ഫ​ണ്ടി​ല്ലെ​ങ്കി​ൽ, സ്ഥാ​നാ​ർ​ഥി​യാ​കാ​നു​മി​ല്ല

ഭു​വ​നേ​ശ്വ​ർ: വെ​റു​തെ സ്ഥാ​നാ​ർ​ഥി​യാ​ക്കി​യാ​ൽ മാ​ത്രം പോ​രാ; തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് ആ​വ​ശ്യ​മാ​യ ഫ​ണ്ടു​കൂ​ടി പാ​ർ​ട്ടി അ​നു​വ​ദി​ക്ക​ണം. ഫ​ണ്ടി​ല്ലാ​തെ പി​ന്നെ എ​ങ്ങ​നെ പ്ര​ചാ​ര​ണം ​പൊ​ടി​പൊ​ടി​ക്കും. ഒ​ഡി​ഷ​യി​ലെ പു​രി മ​ണ്ഡ​ല​ത്തി​ലെ കോ​ൺ​ഗ്ര​സ് സ്ഥാ​നാ​ർ​ഥി സു​ചാ​രി​ത മൊ​ഹ​ന്തി​യും ചോ​ദി​ക്കു​ന്ന​ത് ഇ​തു​ത​ന്നെ​യാ​ണ്: സ്ഥാ​നാ​ർ​ഥി​പ്പ​ട്ട​മൊ​ക്കെ ന​ൽ​കി ക​ള​ത്തി​ലി​റ​ക്കി​യെ​ങ്കി​ലും വ​ഴി​ച്ചെ​ല​വി​നു​ള്ള പ​ണം പാ​ർ​ട്ടി ന​ൽ​കി​യി​ല്ല. എ​ന്നാ​ൽ​പി​ന്നെ, സ്ഥാ​നാ​ർ​ഥി​ത്വം വേ​ണ്ടെ​ന്ന നി​ല​പാ​ടി​ലാ​ണ​വ​ർ. വി​ഷ​യം ഉ​ന്ന​യി​ച്ചും സ്ഥാ​നാ​ർ​ഥി​ത്വം പി​ൻ​വ​ലി​ക്കു​ന്ന​താ​യി കാ​ണി​ച്ചും അ​വ​ർ പാ​ർ​ട്ടി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലി​ന് ക​ത്ത​യ​ക്കു​ക​യും ചെ​യ്തു.

മു​ൻ കോ​ൺ​ഗ്ര​സ് എം.​പി ബ്ര​ജ്മോ​ഹ​ൻ മൊ​ഹ​ന്തി​യു​ടെ മ​ക​ളാ​ണ് മാ​ധ്യ​മ പ്ര​വ​ർ​ത്ത​ക കൂ​ടി​യാ​യ സു​ചാ​രി​ത. തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി അ​വ​ർ ആ​ദ്യം പ​ണം ആ​വ​ശ്യ​പ്പെ​ട്ട​ത് സം​സ്ഥാ​ന​ത്തി​ന്റെ ചു​മ​ത​ല​യു​ള്ള എ.​​​ഐ.​സി.​സി നേ​താ​വ് അ​​ജോ​യ് കു​മാ​റി​നോ​ടാ​ണ്. പ​ണം സ്വ​ന്തം നി​ല​യി​ൽ ക​ണ്ടെ​ത്താ​നാ​യി​രു​ന്നു അ​ദ്ദേ​ഹ​ത്തി​ന്റെ നി​ർ​ദേ​ശം. സ​മാ​ന​മാ​യ ഉ​ത്ത​രം വീ​ണ്ടും പാ​ർ​ട്ടി നേ​തൃ​ത്വ​ത്തി​ൽ​നി​ന്നും ല​ഭി​ച്ച​തോ​ടെ​യാ​ണ് ടി​ക്ക​റ്റ് മ​ട​ക്കി ന​ൽ​കാ​ൻ സു​ചാ​രി​ത തീ​രു​മാ​നി​ച്ച​ത്. സ്ഥാ​നാ​ർ​ഥി​ത്വം പി​ൻ​വ​ലി​ച്ചെ​ങ്കി​ലും കോ​ൺ​ഗ്ര​സി​ൽ ത​ന്നെ തു​ട​രു​മെ​ന്ന് അ​വ​ർ വ്യ​ക്ത​മാ​ക്കി.

സു​ചാ​രി​ത​യു​ടെ ആ​രോ​പ​ണം അ​ജോ​യ് കു​മാ​ർ നി​ഷേ​ധി​ച്ചു. പാ​ർ​ട്ടി ഉ​ട​ൻ ത​ന്നെ മ​റ്റൊ​രു സ്ഥാ​നാ​ർ​ഥി​യെ പ്ര​ഖ്യാ​പി​ക്കു​മെ​ന്നും അ​ദ്ദേ​ഹം അ​റി​യി​ച്ചു. 2014ലും ​സു​ചാ​രി​ത ഇ​വി​ടെ നി​ന്ന് ജ​ന​വി​ധി തേ​ടി​യി​രു​ന്നു. ബി.​ജെ.​ഡി​യു​ടെ സി​റ്റി​ങ് എം.​പി പി​നാ​കി മി​ശ്ര​യോ​ട് അ​വ​ർ ര​ണ്ട​ര ല​ക്ഷ​ത്തി​ൽ​പ​രം വോ​ട്ടു​ക​ൾ​ക്ക് പ​രാ​ജ​യ​പ്പെ​ട്ടു. 2019ലും ​പി​നാ​കി ഇ​വി​ടെ​നി​ന്ന് വി​ജ​യി​ച്ചു. ഇ​ക്കു​റി പി​നാ​കി മി​ശ്ര​ക്ക് പ​ക​രം മു​ൻ ഐ.​പി.​എ​സ് ഉ​ദ്യോ​ഗ​സ്ഥ​നാ​യ അ​രൂ​പ് പ​ട്നാ​യി​കി​നെ​യാ​ണ് ബി.​ജെ.​ഡി ക​ള​ത്തി​ലി​റ​ക്കി​യി​രി​ക്കു​ന്ന​ത്. ദേ​ശീ​യ വ​ക്താ​വ് സാം​പി​ത് പ​ത്ര​യാ​ണ് ബി.​ജെ.​പി സ്ഥാ​നാ​ർ​ഥി. 1998 മു​ത​ൽ ബി.​ജെ.​ഡി​യു​ടെ ഉ​റ​ച്ച മ​ണ്ഡ​ല​മാ​ണ് പു​രി. നാ​ളെ​യാ​ണ് ഇ​വി​ടെ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​നു​ള്ള അ​വ​സാ​ന തീ​യ​തി.