ഝാർഖണ്ഡിലെ റെയിൽവേ നിർമാണ സൈറ്റിൽ മാവോവാദി ആക്രമണം; വാഹനങ്ങൾ കത്തിച്ചു

റാഞ്ചി: ഝാർഖണ്ഡിൽ റെയിൽവേ നിർമാണ സൈറ്റിൽ മാവോവദി ആക്രമണം. റാഞ്ചി-ലത്തേഹാർ അതിർത്തിക്ക് സമീപത്തെ മക്ലസ്കിഗഞ്ചിലാണ് സംഭവം. ഇവിടെ നിർത്തിയിട്ടിരുന്ന വാഹനങ്ങൾ തീയിട്ട് നശിപ്പിച്ചു.

ഏകദേശം 10-12 ആളുകൾ ആയുധങ്ങളുമായി മുദ്രാവാക്യം വിളികളോടെയാണ് എത്തിയതെന്ന് ഒരു നിർമാണ തൊഴിലാളി പറഞ്ഞു.

മേഖലയിൽ സമാനമായ നിരവധി ആക്രമണങ്ങൾ നടന്നിട്ടുണ്ട്. റെയിൽവേ നിർമ്മാണ പ്രവർത്തനങ്ങൾ തടസ്സപ്പെടുത്തി കോടികളുടെ നാശനഷ്ടമുണ്ടാക്കിയിട്ടുണ്ട്.