ജമ്മു- ശ്രീനഗർ ദേശീയപാതയിൽ മണ്ണിടിച്ചിൽ; ഗതാഗതം തടസപ്പെട്ടു

ശ്രീനഗർ: മണ്ണിടിച്ചിലിനെ തുടർന്ന് ജമ്മു- ശ്രീനഗർ ദേശീയപാത അടച്ചു. ഉദംപൂരിലെ ദേവൽ പാലത്തിലാണ് മണ്ണിടിച്ചിലുണ്ടായത്. ദേശീയപാതയിൽ നിന്ന് മണ്ണ് നീക്കം ചെയ്യാനുള്ള പ്രവർത്തനങ്ങൾ പുരോഗമിക്കുകയാണ്.

ജമ്മു- ശ്രീനഗർ ദേശീയപാത അടച്ചതോടെ ഇതുവഴിയുള്ള ഗതാഗതം തടസപ്പെട്ടു. മുഗൾ റോഡ്, എസ്.എസ്.ജി റോഡ് വഴി വാഹനങ്ങൾ കടന്നു പോകാമെന്ന് ജമ്മു കശ്മീർ ട്രാഫിക് പൊലീസ് അറിയിച്ചു.