ഉറി: ജമ്മു കശ്മീരിലെ ബാരാമുല്ലയിലെ ഭീകരരുടെ നുഴഞ്ഞുകയറ്റ ശ്രമം സുരക്ഷാസേന തകർത്തു. ഏറ്റുമുട്ടലിൽ മൂന്ന് ഭീകരരെ സേന വധിച്ചു. പാകിസ്താൻ സൈന്യത്തിന്‍റെ സഹായത്തോടെ ഉറിയിലെ നിയന്ത്രണരേഖ വഴിയാണ് ഇന്ത്യൻ ഭൂപ്രദേശത്തേക്ക് ഭീകരർ നുഴഞ്ഞുകയറാൻ ശ്രമിച്ചത്.
വധിച്ച രണ്ട് ഭീകരരുടെ മൃതദേഹം സേന കണ്ടെത്തി. മൂന്നാമത്തെ ഭീകരന്‍റെ മൃതദേഹം മാറ്റാനുള്ള ശ്രമത്തിനിടെ ഇന്ത്യൻ സൈനികർക്ക് നേരെ പാക് ചെക്ക് പോസ്റ്റിൽ നിന്ന് വെടിയുതിർത്തു. കൊല്ലപ്പെട്ട ഭീകരരിൽ നിന്ന് ആയുധങ്ങളും സ്ഫോടകവസ്തുക്കളും കണ്ടെടുത്തു. ബാരാമുല്ലയിലെ വിവിധ സ്ഥലങ്ങളിൽ ഭീകരർക്കായി സംയുക്ത തിരച്ചിൽ തുടരുകയാണ്.
കശ്മീരിലെ അനന്ത് നാഗിലെ കൊക്കാർനാഗിലും ഒരു ഭീകരനെ വധിച്ചതായി റിപ്പോർട്ടുണ്ട്. എന്നാൽ, ഇക്കാര്യം സൈന്യം സ്ഥിരീകരിച്ചിട്ടില്ല. ഡ്രോൺ അടക്കം ഉപയോഗിച്ച് ഭീകരർക്കായി തിരച്ചിൽ തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.