ന്യൂഡൽഹി: 24 മണിക്കൂറിനിടെ 96,424 പേർക്ക് കൂടി കോവിഡ് ബാധിച്ചതോടെ ഇന്ത്യയിലെ കോവിഡ് ബാധിതരുടെ എണ്ണം 52 ലക്ഷം കടന്നു. കേന്ദ്ര ആരോഗ്യകുടുംബക്ഷേമ മന്ത്രാലയത്തിെൻറ ഔദ്യോഗിക കണക്ക് പ്രകാരം കോവിഡ് ബാധിതരുടെ എണ്ണം 52,14,678 ആയി.
രാജ്യത്ത് 24 മണിക്കൂറിനിടെ 1174 പേർ കോവിഡ് ബാധിച്ച് മരിച്ചു. ഇതോടെ കോവിഡ് മരണം 84,372 ആയി. മരണനിരക്ക് 1.62 ശതമാനമാണ്. 10,17,754 പേരാണ് നിലവിൽ ചികിത്സയിലുള്ളത്. 41.12 ലക്ഷം പേർ രോഗമുക്തി നേടി. രോഗമുക്തി നിരക്ക് 78.86 ശതമാനമായി ഉയർന്നു.
ലോകത്ത് പ്രതിദിനം ഏറ്റവും കൂടുതൽ പേർക്ക് രോഗം സ്ഥിരീകരിക്കുന്ന രാജ്യങ്ങളിലൊന്നായി ഇന്ത്യ മാറി. ലോകത്ത് ഇതുവരെ 30,351,589 പേർക്കാണ് കോവിഡ് സ്ഥിരീകരിച്ചത്. 950,555 മരണവും റിപ്പോർട്ട് െചയ്തു. 22,041,314 പേർ രോഗമുക്തി നേടി. ഏറ്റവും കൂടുതൽ കോവിഡ് രോഗികളുള്ള രണ്ടാമത്തെ രാജ്യം ഇന്ത്യയാണ്. അമേരിക്കയാണ് ഒന്നാം സ്ഥാനത്തുള്ളത്.
വ്യാഴാഴ്ച 10,06,615 സാമ്പിളുകൾ പരിശോധിച്ചതായി ഇന്ത്യൻ കൗൺസിൽ ഓഫ് മെഡിക്കൽ റിസർച്ച് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.