ബിഹാർ വോട്ടുവിലക്കിൽ വീണ്ടും സഭ സ്തംഭനം; പ​രി​ശോ​ധ​ന​ക്കെ​തി​രെ വി​ട്ടു​വീ​ഴ്ച​യി​ല്ലെ​ന്ന് പ്ര​തി​പ​ക്ഷം

ന്യൂ​ഡ​ൽ​ഹി: ബി​ഹാ​ർ വോ​ട്ടു​വി​ല​ക്കി​ൽ ച​ർ​ച്ച​ക്കാ​യു​ള്ള പ്ര​തി​പ​ക്ഷ പ്ര​തി​ഷേ​ധ​ത്തി​ൽ പാ​ർ​ല​മെ​ന്റി​ന്റെ ഇ​രു​സ​ഭ​ക​ളും വീ​ണ്ടും സ്തം​ഭി​ച്ചു. പാ​ർ​ല​മെ​ന്റി​ന് പു​റ​ത്തും പ്ര​തി​ഷേ​ധം തു​ട​ർ​ന്ന് വോ​ട്ട​ർ​പ​ട്ടി​ക പ​രി​ശോ​ധ​ന​ക്കെ​തി​രെ ഒ​രു വി​ട്ടു​വീ​ഴ്ച​യു​മി​ല്ലെ​ന്ന് പ്ര​തി​പ​ക്ഷം പ്ര​ഖ്യാ​പി​ച്ചു. അ​തേ​സ​മ​യം പ്ര​തി​പ​ക്ഷ നേ​താ​ക്ക​ളു​ടെ വി​മ​ർ​ശ​ന​ങ്ങ​ൾ​ക്ക് മ​റു​പ​ടി​യു​മാ​യി ക​മീ​ഷ​ൻ രം​ഗ​ത്തു​വ​ന്നു.

രാ​വി​ലെ ഇ​രു​സ​ഭ​ക​ളും ചേ​രു​ന്ന​തി​ന് മു​മ്പ് പാ​ർ​ല​മെ​ന്റി​ന്റെ മു​ഖ്യ ക​വാ​ട​ത്തി​ൽ ഇ​ൻ​ഡ്യ സ​ഖ്യ​ത്തി​ലെ എം.​പി​മാ​ർ ഒ​ന്ന​ട​ങ്കം പ്ല​ക്കാ​ർ​ഡു​ക​ളേ​ന്തി മു​ദ്രാ​വാ​ക്യം വി​ളി​ച്ച് ധ​ർ​ണ ന​ട​ത്തി. ധ​ർ​ണ​ക്കു​ശേ​ഷം ഇ​രു​സ​ഭ​ക​ളി​ലും എ​ത്തി​യ പ്ര​തി​പ​ക്ഷ അം​ഗ​ങ്ങ​ൾ മു​ദ്രാ​വാ​ക്യം വി​ളി​ക​ളു​മാ​യി സ​ഭ​യു​ടെ ന​ടു​ത്ത​ള​ത്തി​ലേ​ക്ക് ഇ​റ​ങ്ങി.ഷാ​ഫി പ​റ​മ്പി​ൽ, വി.​കെ. ശ്രീ​ക​ണ്ഠ​ൻ, ഡീ​ൻ കു​ര്യാ​ക്കോ​സ് തു​ട​ങ്ങി കേ​ര​ള​ത്തി​ൽ നി​ന്ന​ട​ക്ക​മു​ള്ള​വ​ർ പ്ര​തി​ഷേ​ധം ന​യി​ച്ചു. അം​ഗ​ങ്ങ​ൾ പ്ല​ക്കാ​ർ​ഡു​ക​ൾ ഒ​ഴി​വാ​ക്ക​ണ​മെ​ന്നും ന​ടു​ത്ത​ള​ത്തി​ൽ​നി​ന്ന് മ​ട​ങ്ങ​ണ​മെ​ന്നും സ്പീ​ക്ക​ർ ആ​വ​ശ്യ​പ്പെ​ട്ടി​ട്ടും പ്ര​തി​പ​ക്ഷം ത​യാ​റാ​യി​ല്ല.

കെ.​സി. വേ​ണു​ഗോ​പാ​ലി​ന്റെ പേ​ര് വി​ളി​ച്ച് പാ​ർ​ട്ടി എം.​പി​മാ​രെ ഇ​ത്ത​ര​ത്തി​ൽ പാ​ർ​ല​മെൻറ് ന​ട​പ​ടി​ക​ൾ ത​ട​സ്സ​പ്പെ​ടു​ത്താ​ൻ വി​ട്ട​ത് ശ​രി​യ​ല്ലെ​ന്ന് സ്പീ​ക്ക​ർ ഓം ​ബി​ർ​ള ഓ​ർ​മി​പ്പി​ച്ചു. തു​ട​ർ​ന്ന് ആ​ദ്യം 2 മ​ണി​വ​രെ നി​ർ​ത്തി​വെ​ച്ച ലോ​ക്സ​ഭ പി​ന്നീ​ട് വീ​ണ്ടും ചേ​ർ​ന്നു​വെ​ങ്കി​ലും ന​ട​പ​ടി​ക​ളി​ലേ​ക്ക് ക​ട​ക്കാ​നാ​വാ​തെ വെ​ള്ളി​യാ​ഴ്ച​ത്തേ​ക്ക് പി​രി​ഞ്ഞു.

രാ​ജ്യ​സ​ഭ​യി​ൽ കാ​ലാ​വ​ധി പൂ​ർ​ത്തി​യാ​ക്കു​ന്ന 6 അം​ഗ​ങ്ങ​ൾ​ക്ക് യാ​ത്ര​യ​യ​പ്പ് ന​ൽ​കി​യ​ശേ​ഷം ഉ​ച്ച​ക്ക് 12.30 ഓ​ടെ ഇ​ന്ത്യ ക​ക്ഷി​ക​ൾ സ​ഭാ ന​ട​പ​ടി​ക​ൾ ത​ട​സ്സ​പ്പെ​ടു​ത്തി. തു​ട​ർ​ന്ന് രാ​ജ്യ​സ​ഭ​യും ന​ട​പ​ടി​ക​ൾ മു​ന്നോ​ട്ടു കൊ​ണ്ടു​പോ​കാ​നാ​കാ​തെ നി​ർ​ത്തി​വെ​ച്ചു.