ഭാര്യയുടെ മകളെ ബലാത്സംഗം ചെയ്ത കേസിൽ യുവാവിന് 20 വർഷം തടവ് ശിക്ഷ

ഹൈദരാബാദ്: പ്രായപൂർത്തിയാകാത്ത പെൺകുട്ടിയെ ഒന്നിലധികം തവണ ലൈംഗികമായി ചൂഷണം ചെയ്തതിന് 39കാരനായ യുവാവിനെ​ കോടതി 20 വർഷം കഠിന തടവിന് ശിക്ഷിച്ചു. ​പ്രതിയുടെ ഭാര്യക്ക്​ ആദ്യവിവാഹത്തിലുള്ളതാണ്​ ഇരയായ പെൺകുട്ടി. 15 വയസുള്ള പെൺകുട്ടിയെ പ്രതി നിരന്തരം ബലാത്സംഗം ചെയ്തു വരികയായിരുന്നു. അവശയായ പെൺകുട്ടി ഒടുവിൽ അമ്മയോട്​ കാര്യങ്ങൾ തുറന്നുപറഞ്ഞതോടെയാണ്​ വിവരം പുറംലോകം അറിഞ്ഞത്​. പോക്​സോ, ഐ.പി.സി വകുപ്പുകൾ പ്രകാരമാണ്​ കേസ്​.

വ്യാഴാഴ്ച നാമ്പള്ളിയിലെ പന്ത്രണ്ടാം അഡീഷനൽ മെട്രോപൊളിറ്റൻ സെഷൻസ് ജഡ്ജി ഇയാൾക്ക് 20 വർഷം കഠിനതടവും 1000 രൂപ പിഴയും വിധിച്ചു. ചൂഷണത്തെ തുടർന്ന് പെൺകുട്ടി ആഘാതത്തിലേക്കും കഷ്ടപ്പാടുകളിലേക്കും വഴുതിപ്പോയതായി പറയപ്പെടുന്നു.