വഡോദര: രാജ്യത്ത് കോവിഡ് വ്യാപനം രൂക്ഷമാകുന്ന സാഹചര്യത്തിൽ, ഗുജറാത്തിൽ നിന്നുള്ള ഒരു വാർത്ത സമൂഹ മാധ്യമങ്ങളിൽ ചർച്ചയാകുകയാണ്. വഡോദരയിൽനിന്നുള്ള ശുഭൽ ഷാ എന്നയാളുടെ ട്വിറ്റർ പോസ്റ്റാണ് വൈറലാകുന്നത്. ക്വാറൻറീനിൽ കഴിയുന്നവർക്ക് ഉച്ചക്കും രാത്രിയും സൗജന്യമായി ഭക്ഷണമെത്തിക്കാം എന്ന വാഗ്ദാനമാണ് അദ്ദേഹം മുന്നോട്ടുവെക്കുന്നത്. ഇതിൽ അഭിനന്ദമറിയിച്ച് നിരവധിപേർ രംഗത്തെത്തുകയും ചെയ്തു. ക്വാറന്റീൻ കാലം മുഴുവൻ വീട്ടിൽ സൗജന്യമായി ഭക്ഷണമെത്തിക്കാമെന്നാണ് ശുഭലിന്റെ വാഗ്ദാനം.
'ഈ കോവിഡ് പ്രതിസന്ധിയിൽ ഞങ്ങൾ നിങ്ങൾക്കൊപ്പമുണ്ട്. നിങ്ങളുടെ കുടുംബം കോവിഡ് ബാധിച്ച് ബുദ്ധിമുട്ടുകയാണെങ്കിൽ ക്വറന്റീൻ കാലം മുഴുവൻ ഉച്ചഭക്ഷണവും അത്താഴവും സൗജന്യമായി വീട്ടുപടിക്കൽ എത്തിക്കാൻ ഞങ്ങൾ സന്നദ്ധരാണ്. പേരോ പ്രശസ്തിയോ ഫോട്ടോകളോ ഒന്നും ഞങ്ങൾ ആഗ്രഹിക്കുന്നുമില്ല. ദയവായി നേരിട്ട് മെസേജ് അയക്കൂ' എന്നാണ് കോർപറേറ്റ് കമ്പനികൾക്കുള്ള ഫിനാൻസ് കൺസൾട്ടന്റ്-മാനേജ്മെന്റ് അഡ്വൈസ് സ്ഥാപനം നടത്തുന്ന ശുഭാൽ ഷാ ട്വിറ്ററിൽ പോസ്റ്റ് ചെയ്തത്. ശുഭലിന്റെ ഈ നന്മയെ അഭിനന്ദിക്കാൻ മാത്രമല്ല, അതിൽ പങ്കുചേരാനും നിരവധി പേർ തയാറായി രംഗത്തെത്തി.
#Vadodara
— Shubhal Shah (@ShubhalShah) April 12, 2021
We are here with you in this Covid crisis.
If your family is suffering from Covid-19, we will deliver hygienic lunch & dinner at your door step, free of cost for entire quarantine period.
We are not into any name, publicity or photographs.
Please DM 🙏
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.