Posted On
date_range Updated On
date_range ഷർജീൽ ഇമാമിനെതിരെ രാജ്യദ്രോഹ കുറ്റം ചുമത്തി ഡൽഹി പൊലീസ്
ന്യൂഡൽഹി: ജെ.എൻ.യു വിദ്യാർഥി ഷർജീൽ ഇമാമിനെതിരെ ഡൽഹി പൊലീസ് കുറ്റപ്പത്രം സമർപ്പിച്ചു. രാജ്യദ്രോഹ കുറ്റമാണ് ഷർജീലിനെതിരെ ചുമത്തിയത്. സമുദായങ്ങൾക്കിടയിൽ സ്പർധയുണ്ടാക്കാൻ ശ്രമിച്ചുവെന്ന കുറ്റവും ഷർജീലിനെതിരെയുണ്ട്.
ഡൽഹിയിലെ സാകേത് ജില്ലാ കോടതിയിലാണ് കുറ്റപ്പത്രം സമർപ്പിച്ചത്. ഡിസംബർ 15ന് ഷർജീൽ ജാമിഅ മിലിയ സർവകലാശാലയിൽ നടത്തിയ പ്രസംഗം സ്പർധയുണ്ടാക്കുന്നതാണെന്നാണ് ഡൽഹി പൊലീസിെൻറ കണ്ടെത്തൽ.
ഡൽഹി കലാപ കേസിൽ പ്രത്യേക അന്വേഷണ സംഘം തലവൻ രാജേഷ് ദേവോ അറസ്റ്റ് ചെയ്ത ആളുകൾക്കെതിരെ നേരത്തെ പൊലീസ് കുറ്റപത്രം സമർപ്പിച്ചിരുന്നു. ജാമിഅ വിദ്യാർഥികൾ നടത്തിയ മാർച്ചിനൊടുവിൽ ഡൽഹിയിൽ കലാപമുണ്ടായെന്നാണ് പൊലീസ് വ്യക്തമാക്കുന്നത്. ഇൗ കേസിലെ അനുബന്ധ കുറ്റപത്രമാണ് ഇപ്പോൾ സമർപ്പിച്ചിരിക്കുന്നതെന്നും ഡൽഹി പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.