ന്യൂഡൽഹി: ടിക്ടോക് അടക്കമുള്ള 59 ചൈനീസ് ആപ്പുകൾക്ക് നിരോധം പ്രഖ്യാപിച്ചത് ഡിജിറ്റൽ സർജിക്കൽ സ്ട്രൈക്കായി ബി.ജെ.പി ആഘോഷിക്കുന്നതിനിടെ മറുപടിയുമായി കോൺഗ്രസ്.
കേന്ദ്രസർക്കാരിൻെറ കോവിഡ് പ്രതിരോധപ്രവർത്തനങ്ങൾക്കായി 100 കോടി രൂപ സംഭാവന ചെയ്ത ടിക്ടോക് നടപടിയെ സ്വാഗതം ചെയ്ത് കേന്ദ്രമന്ത്രി സ്മൃതി ഇറാനി പുറത്തുവിട്ട വിഡിയോ ആണ് കോൺഗ്രസ് ഉയർത്തിക്കാണിക്കുന്നത്. ഇന്ത്യക്ക് പ്രഥമ പരിഗണന നൽകുന്നതിന് ടിക്ടോകിന് സ്മൃതി ഇറാനി നന്ദി അറിയിക്കുന്നതാണ് വിഡിയോയുടെ ഉള്ളടക്കം.
യൂത്ത് കോൺഗ്രസിൻെറ ദേശീയ പ്രസിഡൻറ് ബി.വി ശ്രീനിവാസ് സ്മൃതി ഇറാനിയുടെ വിഡിയോ ചേർത്ത് ട്വീറ്റ് ചെയ്തതിങ്ങനെ: ഏപ്രിൽ ഒന്നുവരെ ടിക് ടോക് രാജ്യസ്നേഹിയായിരുന്നു. ടിക്േടാക് ഇന്ത്യക്ക് പ്രഥമ പരിഗണന നൽകുന്നുണ്ടോ?
നേരത്തേ പി.എം കെയേഴ്സ് ഫണ്ടിലേക്ക് തുക കൊടുത്ത ടിക്ടോക്, ഷവോമി, വാവേ അടക്കമുള്ള ചൈനീസ് കമ്പനികളുടെ നടപടി ചോദ്യം ചെയ്ത് കോൺഗ്രസ് രംഗത്തെത്തിയിരുന്നു.
— Srinivas B V (@srinivasiyc) July 1, 2020
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.