അ​ധി​കാ​ര​ത്തി​ൽ​ വ​ന്നാ​ൽ ‘അ​ഗ്നി​വീ​ർ’ റദ്ദാക്കും -രാ​ഹു​ൽ

മ​ഹേ​ന്ദ്ര​ഗ​ഡ് (ഹ​രി​യാ​ന): ചു​രു​ങ്ങി​യ കാ​ല​ത്തേ​ക്ക് ആ​ളു​ക​ളെ ക​രാ​ർ അ​ടി​സ്ഥാ​ന​ത്തി​ൽ സൈ​നി​ക സേ​വ​ന​ത്തി​നെ​ടു​ക്കു​ന്ന ‘അ​ഗ്നി​വീ​ർ’ വി​ഷ​യ​ത്തി​ൽ നി​ല​പാ​ട് ആ​വ​ർ​ത്തി​ച്ച് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി. ‘അ​ഗ്നി​വീ​ർ’ സം​വി​ധാ​നം സൈ​ന്യ​ത്തി​ന് ആ​വ​ശ്യ​മി​ല്ലെ​ന്നും ‘ഇ​ൻ​ഡ്യ’ മു​ന്ന​ണി അ​ധി​കാ​ര​ത്തി​ലെ​ത്തി​യാ​ൽ പ​ദ്ധ​തി​യെ​ടു​ത്ത് ച​വ​റ്റു​കു​ട്ട​യി​ലി​ടു​മെ​ന്നും അ​ദ്ദേ​ഹം ഹ​രി​യാ​ന​യി​ലെ മ​ഹേ​​ന്ദ്ര​ഗ​ഡി​ൽ ന​ട​ത്തി​യ കോ​ൺ​ഗ്ര​സ് റാ​ലി​യി​ൽ പ​റ​ഞ്ഞു.

സം​സ്ഥാ​ന​ത്ത് രാ​ഹു​ൽ പ​​ങ്കെ​ടു​ത്ത ആ​ദ്യ തെ​ര​ഞ്ഞെ​ടു​പ്പ് റാ​ലി​യാ​ണി​ത്. അ​ഗ്നി​വീ​ർ പ​ദ്ധ​തി​യി​ലൂ​ടെ രാ​ജ്യ​ത്തെ സൈ​നി​ക​രെ മോ​ദി കേ​വ​ല തൊ​ഴി​ലാ​ളി​ക​ളാ​ക്കി മാ​റ്റി​​യെ​ന്നും അ​ദ്ദേ​ഹം കു​റ്റ​പ്പെ​ടു​ത്തി. ‘ഇ​ത്ത​ര​മൊ​രു പ​ദ്ധ​തി​യി​ലൂ​ടെ രാ​ജ്യ​ത്ത് ര​ണ്ടു​ത​രം ര​ക്ത​സാ​ക്ഷി​ക​ളാ​ണു​ണ്ടാ​വു​ക. ഒ​ന്ന്, സാ​ധാ​ര​ണ ജ​വാ​ന്മാ​ർ. അ​വ​ർ​ക്ക് പെ​ൻ​ഷ​നും മ​റ്റു ആ​നു​കൂ​ല്യ​ങ്ങ​ളു​മെ​ല്ലാം ല​ഭി​ക്കും. ര​ണ്ടാ​മ​​ത്തെ വി​ഭാ​ഗം, ഇ​തൊ​ന്നു​മി​ല്ലാ​ത്ത അ​ഗ്നി​വീ​ർ. ഇ​വ​ർ സൈ​നി​ക സേ​വ​ന​ത്തി​നി​ടെ കൊ​ല്ല​പ്പെ​ട്ടാ​ൽ, ര​ക്ത​സാ​ക്ഷി​ക​ളാ​യി​പ്പോ​ലും പ​രി​ഗ​ണി​ക്ക​പ്പെ​ടി​ല്ല. ന​മ്മു​ടെ യു​വാ​ക്ക​ൾ ദേ​ശ​സ്നേ​ഹി​ക​ളാ​ണ്. അ​വ​ർ സൈ​ന്യ​ത്തി​ലേ​ക്ക് വ​രു​മ്പോ​ൾ അ​വ​രെ കേ​വ​ലം തൊ​ഴി​ലാ​ളി​ക​ളാ​യി പ​രി​ഗ​ണി​ച്ചൂ​കൂ​ടാ’ -അ​ദ്ദേ​ഹം വ്യ​ക്ത​മാ​ക്കി.

ക​ർ​ഷ​ക രോ​ഷം ആ​ഞ്ഞ​ടി​ക്കു​ന്ന സം​സ്ഥാ​ന​ത്ത് മോ​ദി സ​ർ​ക്കാ​റി​ന്റെ കാ​ർ​ഷി​ക ന​യ​ങ്ങ​ൾ​ക്കെ​തി​രെ​യും അ​ദ്ദേ​ഹം ക​ടു​ത്ത വി​മ​ർ​ശ​നം അ​ഴി​ച്ചു​വി​ട്ടു. രാ​ജ്യ​ത്തെ പ്ര​മു​ഖ​രാ​യ 22 വ്യ​വ​സാ​യി​ക​ളു​ടെ 16 ല​ക്ഷം കോ​ടി രൂ​പ​യു​ടെ വാ​യ്പ​യാ​ണ് മോ​ദി എ​ഴു​തി​ത്ത​ള്ളി​യ​ത്. എ​ന്നാ​ൽ, ക​ർ​ഷ​ക ക​ടം എ​ഴു​തി​ത്ത​ള്ളി​ല്ലെ​ന്നാ​ണ് സ​ർ​ക്കാ​ർ ന​യം - അ​ദ്ദേ​ഹം കു​റ്റ​പ്പെ​ടു​ത്തി.