ന്യൂഡൽഹി: ഇന്ത്യൻ ക്രിക്കറ്റർ വിരാട് കോഹ്ലിയേയും ബോളിവുഡ് താരം അനുഷ്ക ശർമ്മയെയും അഭിനന്ദിച്ച് ഡയറി ബ്രാൻഡായ അമുൽ. കോഹ്ലിയും അനുഷ്കയും കുഞ്ഞിന് സമീപം ഇരിക്കുന്നതിന്‍റെ കാരിക്കേച്ചർ പങ്കുവെച്ചാണ് അഭിനന്ദനം.
ജനുവരി 11നാണ് കോഹ്ലിക്കും അനുഷ്കക്കും പെൺകുഞ്ഞ് പിറന്നത്. അനുഷ്കക്കും വിരാടിനും പെൺകുഞ്ഞ് പിറന്നു എന്ന അടിക്കുറിപ്പോടെയാണ് പോസ്റ്റ്.
മുംബൈയിലെ ബീച്ച് കാൻഡി ആശുപത്രിയിലാണ് അനുഷ്കയും കുഞ്ഞും. പെൺകുഞ്ഞ് പിറന്ന വിവരം വിരാട് സമൂഹമാധ്യമങ്ങളിൽ പങ്കുവെച്ചിരുന്നു. അമ്മയും കുഞ്ഞും സുഖമായിരിക്കുന്നുവെന്നും തങ്ങളുടെ സ്വകാര്യതയെ മാനിക്കണമെന്നും വിരാട് കുറിച്ചിരുന്നു.
2017ലായിരുന്നു ഇരുവരുടെയും വിവാഹം. 2020 ആഗസ്റ്റിൽ അനുഷ്ക ഗർഭിണിയാണെന്ന വിവരം പങ്കുവെച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.