ലക്നൗ: സമാജ്വാദി പാർട്ടിയിൽ പ്രശ്നങ്ങൾ രൂക്ഷമാവുന്നവെന്ന സൂചനകൾ നൽകി ഉത്തർപ്രദേശ് മുഖ്യമന്ത്രി അഖിലേഷ് യാദവ് തെരഞ്ഞെടുപ്പിനുള്ള പുതിയ സ്ഥാനാർത്ഥി പട്ടിക പ്രഖൃാപിച്ചു. നേരത്തെ പാർട്ടി അധ്യക്ഷൻ മുലായം സിങ് യാദവ് സ്ത്ഥാനാഥി പട്ടിക പ്രഖ്യാപിച്ചിതിന് പിന്നാലെയാണ് അഖിലേഷിെൻറ നീക്കം.
235 അംഗ സ്ഥാനാർത്ഥി പട്ടികയാണ് ഇന്ന് അഖിലേഷ് യാദവ് പ്രഖ്യാപിച്ചിരിക്കുന്നത്. ഇതിൽ 171 പേരും നിലവിലുള്ള എം.എൽ.എമാരാണ്. മുലായം സിങ് ഒഴിവാക്കിയ പല പ്രമുഖരും അഖിലേഷിെൻറ സ്ഥാനാർത്ഥി പട്ടികയിൽ ഇടം പിടിച്ചിട്ടുണ്ട്. നേരത്തെ പട്ടിക പ്രഖ്യാപിക്കുന്നതിന് മുമ്പായി പാർട്ടിയിലെ മുതിർന്ന നേതാക്കളുമായി അഖിലേഷ് യാദവ് കൂടികാഴ്ച നടത്തിയിരുന്നു.
ഇന്നലെ മുലായം പ്രഖ്യാപിച്ച പട്ടികയിൽ അഖിലേഷിെൻറ പല വിശ്വസ്തരും ഉൾപ്പെട്ടിരുന്നില്ല. ശിവ്പാൽ യാദവ് ഉൾപ്പെടെ അഖിലേഷിെൻറ എതിർച്ചേരിയിലുള്ള പലർക്കും സീറ്റ് ലഭിക്കുകയും ചെയ്തിരുന്നു. അഖിലേഷിെന മുഖ്യമന്ത്രിയായി സ്ഥാനാർത്ഥിയായി ഉയർത്തിക്കാട്ടാനും മുലായം തയ്യാറായില്ല. ഇതാണ് അഖിലേഷിനെ പ്രകോപിച്ചതെന്നാണ് സൂചന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.