മുംബൈ: മുംബൈ ഭീകരാക്രമണ കേസില് പാക് വംശജനായ അമേരിക്കന് പൗരന് ഡേവിഡ് കോള്മാന് ഹെഡ്ലിയുടെ ഭാര്യ ഷഹിസയെയും തഹവ്വുര് ഹുസൈന് റാണയെയും പ്രതിചേര്ത്ത് വിസ്തരിക്കണമെന്ന് കേസില് വാദം നടക്കുന്ന പ്രത്യേക കോടതിയില് ഹരജി. കേസില് വിചാരണ നേരിടുന്ന മഹാരാഷ്ട്രയിലെ ബീഡ് സ്വദേശി അബൂ ജുന്ദല് എന്ന സാബിഉദ്ദീന് അന്സാരിയാണ് പ്രത്യേക ജഡ്ജി ജി.എ.സനപിനു മുമ്പാകെ ഹരജി നല്കിയത്.
ഹരജി വ്യാഴാഴ്ച പരിഗണിക്കും. മുംബൈ ഭീകരാക്രമണത്തെക്കുറിച്ച് ഷഹിസക്കും തഹവ്വുര് ഹുസൈന് റാണക്കും അറിയാമെന്ന് ഹെഡ്ലി തന്നെ സമ്മതിച്ചതായി ഹരജിയില് പറയുന്നു. മുംബൈ ആക്രമണത്തിനുശേഷം ഭാര്യ തന്നെ അഭിനന്ദിച്ച് സന്ദേശം അയച്ചതായി ഹെഡ്ലി കോടതിയില് വിഡിയോകോണ്ഫറന്സ് വഴി വെളിപ്പെടുത്തിയിരുന്നു.
ഹെഡ്ലിയെ ക്രോസ്വിസ്തരിക്കാന് അബൂ ജുന്ദലിന്െറ അഭിഭാഷകന് കോടതി അനുമതി നല്കിയിട്ടുണ്ട്. ഹെഡ്ലിയെ വിഡിയോ കോണ്ഫറന്സ് വഴി വിസ്തരിക്കുമ്പോള് പരിസരം കാണാന് പാകത്തിന് പിന്നില് കണ്ണാടി സ്ഥാപിക്കണമെന്ന അഭ്യര്ഥനയും ജുന്ദലിന്െറ അഭിഭാഷകന് വഹാബ് ഖാന് കോടതിയില് നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.