ന്യൂഡൽഹി: ഏവരും ഏറെ പ്രതീക്ഷയോടെ കാത്തരിക്കുന്ന ടാറ്റയുടെ നെക്സോൺ ഇന്ത്യൻ വിപണിയിലേക്ക്. കമ്പനിയുടെ രഞ്ജഗാവ് കേന്ദ്രത്തിലാണ് നെക്സോണിനെ ടാറ്റ ആദ്യമായി പുറത്തിറക്കിയത്. ടാറ്റ നിരയിൽ പുറത്തിറങ്ങുന്ന ആദ്യ സബ്–ഫോർ മീറ്റർ എസ്.യു.വിയാണ് നെക്സോൺ. ദീപാവലി സീസണിലായിരിക്കും കാർ ഒൗദ്യോഗികമായി വിപണിയിലെത്തിക്കുക. മാരുതിയുടെ ബ്രെസ, ഫോർഡ് ഇക്കോ സ്പോർട്ട് എന്നീ മോഡലുകൾക്കാവും ടാറ്റയുടെ സ്പോർട്ട് യൂട്ടിലിറ്റി വാഹനം കനത്ത വെല്ലുവിളി ഉയർത്തുക.
ടിയാഗോ, ടിഗോർ, ഹെക്സ എന്നിവക്ക് ശേഷം ഇംപാക്ട് ഡിസൈൻ ഫിലോസഫിയിൽ നിർമാണം പൂർത്തീകരിച്ച നാലാമത്തെ ടാറ്റ മോഡലാണ് നെക്സോൺ. റേഞ്ച് റോവർ ഇവോകിെൻറ ചില ഘടകങ്ങൾ നെക്സോണിൽ ഉൾപ്പെടുത്തുമെന്ന് ടാറ്റ അറിയിച്ചിട്ടുണ്ട്. അതുകൊണ്ട് തനത് ടാറ്റ കാറുകളുടെ ഡിസൈൻ പ്ലാറ്റ്ഫോമല്ല നെക്സോൺ പിന്തുടരുന്നത്. എസ്.യു.വിക്ക് ആവശ്യമായ ഡിസൈൻ സവിശേഷതകൾ ആവോളം നെക്സോണിൽ ഉൾക്കൊള്ളിച്ചിട്ടുമുണ്ട്.
1.2 ലിറ്റർ റിവർട്ടൻ പെട്രോൾ എൻജിനും. 1.5 ലിറ്റർ ഡീസൽ എൻജിനുമാണ് നെക്സോണിന് കരുത്ത് പകരുക. പെട്രോൾ എൻജിൻ 108 ബി.എച്ച്.പി കരുത്ത് 5000 ആർ.പി.എമ്മിലും 170 എൻ.എം ടോർക്ക് 2000-4000 ആർ.പി.എമ്മിലും നൽകും.ഡീസൽ എൻജിൻ 108 ബി.എച്ച്.പി കരുത്തും 260 എൻ.എം ടോർക്കുമാണ് നൽകുക. ആറ് സ്പീഡ് മാനുവൽ ഗിയർ ബോക്സാണ് ട്രാൻസ്മിഷൻ.
ഇക്കഴിഞ്ഞ ജനീവ മോേട്ടാർ ഷോയിലായിരുന്ന ടാറ്റ നെക്സോണിെൻറ കൺസെപ്റ്റ് മോഡൽ അവതരിപ്പിച്ചത്. കൺസെപ്റ്റിെൻറ തനിപകർപ്പാണ് പ്രൊഡക്ഷൻ മോഡൽ. ഇക്കോ, സിറ്റി, സ്പോർട്ട് എന്നിങ്ങനെ മൂന്ന് ഡ്രൈവിങ്മോഡുകളിലായിരിക്കും നെക്സോൺ വിപണിയിലേക്ക് എത്തുക. അധികം വൈകാതെ തന്നെ കാറിെൻറ പ്രീബുക്കിങ് ആരംഭിക്കുമെന്നാണ് റിപ്പോർട്ടുകൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.