ഹോണ്ടയുടെ അർബൻ സ്കൂട്ടർ ഗ്രാസിയ ഇന്ത്യൻ വിപണിയിലെത്തി. നഗര യാത്രികരെ ലക്ഷ്യംവെച്ച് പുറത്തിറക്കുന്ന സ്കൂട്ടറിെൻറ ഡൽഹി ഷോറും വില 57,897 രൂപയാണ്. സ്കൂട്ടറിെൻറ പ്രീ ബുക്കിങ് ഒക്ടോബർ അവസാനവാരം ഹോണ്ട ആരംഭിച്ചിരുന്നു. സുസുക്കി ആക്സസ് 125, വെസ്പ വി.എക്സ് 125 എന്നീ മോഡലുകൾക്ക് കനത്ത വെല്ലുവിളി ഉയർത്താൻ ലക്ഷ്യമിട്ടാണ് ഹോണ്ട പുതിയ സ്കൂട്ടറുമായി രംഗത്തെത്തിയിരിക്കുന്നത്.
ആരുടെയും കണ്ണിലുടക്കുന്ന ഇരട്ട ഹെഡ്ലാമ്പുകളാണ് സ്കൂട്ടറിെൻറ പ്രധാനപ്രത്യേകതകളിലൊന്ന്. ഗ്രാസിയയിൽ പൂർണമായും ഡിജിറ്റൽ ഇൻസ്ട്രുമെേൻറഷൻ ക്ലസ്റ്ററാണ് ഹോണ്ട ഉപയോഗിച്ചിരിക്കുന്നത്. പിൻവശത്ത് ന്യൂ ജെനറേഷൻ ലുക്കിലാണ് ഗ്രാബ്റെയിലിെൻറ ഡിസൈൻ. ഉയർന്ന മോഡലിൽ ഡിസ്ക്ബ്രക്കും, അലോയ് വീലും നൽകിയിട്ടുണ്ട്. സീറ്റിനുള്ളിൽ യു.എസ്.ബി ചാർജിങ് സംവിധാനം ലഭ്യമാണ്.
എൻജിനിൽ കാര്യമായ അഴിച്ചുപണിയൊന്നും ഹോണ്ട നടത്തിയിട്ടില്ല. ആക്ടീവ 125ൽ ഉപയോഗിക്കുന്ന എൻജിൻ നിന്ന് ലഭിക്കുന്ന പവർ ഗ്രാസിയയിൽ നിന്നും കിട്ടും. 8.52 ബി.എച്ച്.പി പവർ 6500 ആർ.പി.എമ്മിൽ 10.54 എൻ.എം ടോർക്ക് 5000 ആർ.പി.എമ്മിലും നൽകും. മൈലേജ് കൂടുതൽ ലഭിക്കുന്ന ടെക്നോളജിയും ഹോണ്ട സ്കൂട്ടറിൽ ഉപയോഗപ്പെടുത്തിയിട്ടുണ്ട്. ഒറ്റനോട്ടത്തിൽ ഡിയോയോടാണ് ഗ്രാസിയക്ക് സാമ്യം. എങ്കിലും ഡിയോയിൽ നിന്ന് വ്യത്യസ്തമായി ഉപഭോക്താക്കളെ ആകർഷിക്കാനുള്ള ചില നൂതന ഫീച്ചറുകൾ ഹോണ്ട ഗ്രാസിയയിൽ ഉൾക്കൊള്ളിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.