ബിഎസ് സിക്സിലേക്ക് പരിഷ്കരിച്ച എഞ്ചിനുമായി ട്രയംഫ് ഇന്ത്യയുടെ ബോണവില്ലെ സ്പീഡ് മാസ്റ്റർ പുറത്തിറക്കി. 11.34 ലക്ഷമാണ് വില. ബി.എസ് നാല് ബൈക്കിൽ നിന്ന് ഒട്ടും വിലവർധനയില്ലെന്ന് ട്രയംഫ് പറയുന്നു.
ജെറ്റ് ബ്ലാക്ക്, കോബാൾട്ട് ബ്ലൂ നിറങ്ങൾക്ക് 11.34 ലക്ഷവും ഫ്യൂഷൻ വൈറ്റ് വിത്ത് ഫാൻറം ബ്ലാക്ക്, ഹാൻഡ് പെയിൻറ് ലൈൻസ് വേരിയൻറ് എന്നിവക്ക് 11.64 ലക്ഷവുമാണ് വില. 2020 മോഡലിന് നൽകിയിരിക്കുന്ന പുതിയ കളർ ഓപ്ഷനാണ് കോബാൾട്ട് ബ്ലൂ. നിലവിലെ വിലനിർണ്ണയം താൽക്കാലികമാണെന്നും ഭാവിയിൽ വില വർദ്ധിപ്പിക്കാൻ സാധ്യതയുണ്ടെന്നുമാണ് സൂചന.
ഹാർലി ഡേവിഡ്സൺ കസ്റ്റം 1200 ആണ് സ്പീഡ് മാസ്റ്ററുടെ പ്രധാന എതിരാളി. 1,200 സിസി 'ഹൈ ടോർക്ക്' പാരലൽ-ട്വിൻ ലിക്വിഡ്-കൂൾഡ് എഞ്ചിനാണ് ബൈക്കിന്. 6,250 ആർ.പി.എമ്മിൽ 78 ബി.എച്ച്.പി കരുത്തും 4,000 ആർപിഎമ്മിൽ 107 എൻ.എം ടോർക്കും ഉൽപ്പാദിപ്പിക്കും. ആറ് സ്പീഡ് ഗിയർബോക്സാണ്.
ബിഎസ് നാലിൽ നിന്ന് വളരെ കുറഞ്ഞ രീതിയിൽ എഞ്ചിൻ കരുത്ത് വർധിച്ചിട്ടുണ്ട്. എ.ബി.എസ്, ട്രാക്ഷൻ കൺട്രോൾ, ക്രൂയിസ് കൺട്രോൾ എന്നിവ ഉൾെപ്പടുത്തിയിട്ടുണ്ട്. മുന്നിൽ ഇരട്ട 310 എം.എം ഡിസ്കും പിന്നിൽ 255 എം.എം ഡിസ്കും ലഭിക്കും. 245.5 കിലോഗ്രാം ആണ് ഭാരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.