ഇ​ത​റി​ഞ്ഞി​ട്ടാ​ണോ വാ​ഹ​നം വാ​ങ്ങാ​ൻ പോ​കു​ന്ന​ത്​?

ഒ​രു വാ​ഹ​നം വാ​ങ്ങാ​ൻ ആ​ഗ്ര​ഹി​ക്കു​ന്ന ഏ​തൊ​രാ​ളു​ടെ​യും മ​ന​സ്സി​ലൂ​ടെ ക​ട​ന്നു​പോ​കു​ന്ന ചോ​ദ്യ​ങ്ങ​ളി​ൽ ഏ​റ്റ​വും ആ​ദ്യ​ത്തേ​ത്​ പു​തി​യ​ത്​ വേ​ണോ, പ​ഴ​യ​തു​വേ​ണോ എ​ന്നാ​യി​രി​ക്കും. വാ​ങ്ങു​ന്ന​യാ​ളു​ടെ സാ​മ്പ​ത്തി​കാ​വ​സ്ഥ​യും കൈ​യി​ലു​ള്ള തു​ക​യും വാ​ഹ​ന​ത്തി​ന്‍റെ വി​ല​യു​മെ​ല്ലാം ഇ​തി​നെ സ്വാ​ധീ​നി​ക്കും. അ​നാ​വ​ശ്യ ത​ല​വേ​ദ​ന ഒ​ഴി​വാ​ക്കു​ക എ​ന്ന​താ​ണ് പ​ഴ​യ വാ​ഹ​നം തി​ര​ഞ്ഞെ​ടു​ക്കാ​തെ പു​തി​യ​തു വാ​ങ്ങാ​ൻ പ​ല​രെ​യും പ്രേ​രി​പ്പി​ക്കു​ന്ന​ത്. എ​ൻ​ജി​ന്​ എ​ന്തെ​ങ്കി​ലും പ്ര​ശ്ന​മു​ണ്ടാ​യി​രി​ക്കു​മോ, മ​റ്റെ​ന്തെ​ങ്കി​ലും ത​ക​രാ​റോ കേ​സു​ക​ളോ ഉ​ള്ള വാ​ഹ​ന​മാ​ണോ എ​ന്ന​തി​നെ​ക്കു​റി​ച്ചു​ള്ള ആ​ശ​ങ്ക​ക​ൾ ഒ​ഴി​വാ​ക്കു​ക​യെ​ന്ന​തും പു​തി​യ വാ​ഹ​നം വാ​ങ്ങാ​ൻ മു​​ഖ്യ ഘ​ട​ക​മാ​കാ​റു​ണ്ട്. എ​ന്നാ​ൽ പു​തി​യ വാ​ഹ​നം വാ​ങ്ങാ​ൻ തീ​രു​മാ​നി​ച്ച ശേ​ഷ​വും ‘ത​ല​വേ​ദ​ന’ മാ​റു​ന്നി​ല്ലെ​ങ്കി​ൽ ന​മു​ക്ക്​ വാ​ഹ​ന​സം​ബ​ന്ധി​യാ​യ അ​ജ്ഞ​ത ലേ​ശ​മു​ള്ള​യാ​ളാ​ണെ​ന്ന്​ ഉ​റ​പ്പി​ക്കാം. അ​ത്ത​ര​ക്കാ​രാ​ണ്​ നി​ങ്ങ​​ളെ​ങ്കി​ൽ ഇ​നി പ​റ​യു​ന്ന​ത്​ വാ​യി​ച്ചു​പോ​കാം.

ക​ട​യി​ലെ​ത്തി​യി​ട്ട​ല്ല തീ​രു​മാ​നി​ക്കേ​ണ്ട​ത്

വ​സ്​​​ത്ര​വും ചെ​രി​പ്പും വാ​ങ്ങും​പോ​ലെ ക​ട​യി​ലെ​ത്തി​യ ശേ​ഷ​മ​ല്ല വാ​ഹ​ന​മേ​ത്​ വേ​ണ​മെ​ന്ന്​ തീ​രു​മാ​നി​ക്കാ​ൻ. കാ​റാ​യാ​ലും ഇ​രു​ച​ക്ര​വാ​ഹ​ന​മാ​യാ​ലും ന​മു​ക്കി​ഷ്ട​പ്പെ​ട്ട വാ​ഹ​ന​ത്തെ​ക്കു​റി​ച്ച്​ ഏ​ക​ദേ​ശ ധാ​ര​ണ​യു​ണ്ടാ​ക്കി​യ ശേ​ഷ​മേ ഷോ​റൂ​മി​ലേ​ക്ക്​ പു​റ​പ്പെ​ടാ​വൂ. വാ​ങ്ങാ​നു​ദ്ദേ​ശി​ക്കു​ന്ന വാ​ഹ​നം ഉ​പ​യോ​ഗി​ച്ചു​വ​രു​ന്ന​വ​രോ​ടും അ​ഭി​പ്രാ​യം തേ​ടാ​വു​ന്ന​താ​ണ്. വാ​ഹ​ന​ത്തി​ന്​ ഏ​ത്​ നി​റം വേ​ണം, ഏ​ത്​ വേ​രി​യ​ന്‍റ്​ വേ​ണം എ​ന്ന​ത​ട​ക്ക​മു​ള്ള കാ​ര്യ​ങ്ങ​ൾ ഷോ​റൂ​മി​ലെ സെ​യി​ൽ​സ്​ എ​ക്സി​ക്യൂ​ട്ടി​വ​ല്ല തീ​രു​മാ​നി​ക്കേ​ണ്ട​ത്, ഇ​ക്കാ​ര്യ​ത്തി​ൽ കൃ​ത്യ​മാ​യ ധാ​ര​ണ വെ​ച്ചു​പു​ല​ർ​ത്തി​യ ശേ​ഷ​മേ ഷോ​റൂ​മി​ലേ​ക്ക് പോ​കാ​വൂ. ചി​ല പ്ര​ത്യേ​ക നി​റം വ​ള​രെ ന​ല്ല​താ​ണെ​ന്ന് ഒ​ക്കെ പ​റ​ഞ്ഞ് ന​മ്മെ തെ​റ്റി​ദ്ധ​രി​പ്പി​ച്ച് അ​ത് വാ​ങ്ങാ​ൻ വ​രെ പ്രേ​രി​പ്പി​ക്കു​ന്ന ഷോ​റൂ​മു​ക​ളു​മു​ണ്ട്. യ​ഥാ​ർ​ഥ​ത്തി​ൽ അ​ധി​കം വി​റ്റു​പോ​കാ​ത്ത ക​ള​ർ വേ​രി​യ​ന്‍റ്​ ന​മ്മു​ടെ ത​ല​യി​ൽ കെ​ട്ടി​വെ​ക്കാ​നാ​യി​രി​ക്കും പ​ല​പ്പോ​ഴും ശ്ര​മം.

വാ​ഹ​ന​ങ്ങ​ളി​ലെ ചി​ല വേ​രി​യ​ന്‍റു​ക​ൾ​ക്ക്​ അ​ടി​സ്ഥാ​ന മോ​ഡ​ലി​നെ അ​പേ​ക്ഷി​ച്ചു​ള്ള വി​ല​വ്യ​ത്യാ​സം അ​റി​ഞ്ഞി​രി​ക്ക​ണം. എ​ന്തൊ​ക്കെ ഫീ​ച്ച​റു​ക​ളാ​ണ്​ കൂ​ടു​ത​ലു​ള്ള​തെ​ന്നും ഈ ​ഫീ​ച്ച​റു​ക​ളെ​ല്ലാം ന​മു​ക്കാ​വ​ശ്യ​മു​ള്ള​താ​ണോ എ​ന്നും മ​ന​സ്സി​ലാ​ക്ക​ണം. വാ​ഹ​നം ബു​​ക്ക്​ ചെ​യ്ത്​ പ​ണ​മ​ട​ച്ച ശേ​ഷ​മ​ല്ല ഇ​തൊ​ക്കെ തീ​രു​മാ​നി​ക്കേ​ണ്ട​ത്. ഉ​ദാ​ഹ​ര​ണ​ത്തി​ന്​ ക്രൂ​സ്​ ക​ൺ​ട്രോ​ൾ പോ​​ലെ​യു​ള്ള ഫീ​ച്ച​റു​ക​ൾ മ​​ല​യോ​ര മേ​ഖ​ല​യി​ൽ താ​മ​സി​ക്കു​ന്ന ഒ​രാ​ൾ​ക്ക്​ ആ​വ​ശ്യ​മേ​യി​ല്ല. സ​ൺ റൂ​ഫു​ള്ള മോ​ഡ​ലും അ​ല്ലാ​ത്ത​തും മാ​ത്ര​മാ​ണ്​ വേ​രി​യ​ന്‍റു​ക​ൾ ത​മ്മി​ലു​ള്ള വ്യ​ത്യാ​സ​മെ​ങ്കി​ൽ വി​ല താ​ര​ത​മ്യം ചെ​യ്യു​ക. ചെ​റി​യ വി​ല വ്യ​ത്യാ​സ​മേ ഉ​ള്ളൂ​വെ​ങ്കി​ൽ മാ​ത്രം സ​ൺ​റൂ​ഫൊ​ക്കെ​യു​ള്ള​ത്​ തെ​ര​ഞ്ഞെ​ടു​ത്താ​ൽ മ​തി​യാ​കും. ആ​ദ്യ​ത്തെ കൗ​തു​ക​മൊ​ഴി​ച്ചാ​ൽ ഇ​ന്ത്യ​ൻ റോ​ഡ്​ സാ​ഹ​ച​ര്യ​ങ്ങ​ൾ​ക്ക്​ ഒ​ട്ടും ഇ​ണ​ങ്ങി​യ​ത​ല്ല മു​ക​ളി​ൽ ചൂ​ണ്ടി​ക്കാ​ണി​ച്ച ര​ണ്ട്​ ഫീ​ച്ച​റും.

വീ​ട്ടി​ലു​ള്ള​വ​രോ​ട്​ ചോ​ദി​ക്കാം; വ​ഴി​യേ പോ​കു​ന്ന​വ​രോ​ട് വേ​ണ്ട​

ഒ​രു വാ​ഹ​നം ഇ​ഷ്ട​പ്പെ​ട്ടു​ക​ഴി​ഞ്ഞാ​ൽ അ​തെ​ക്കു​റി​ച്ച് വീ​ട്ടി​ലു​ള്ള​വ​രോ​ട് അ​ഭി​പ്രാ​യം ചോ​ദി​ക്കു​ന്ന​ത്​ ന​ല്ല​താ​ണ്. പ്രാ​യ​മു​ള്ള​വ​ർ​ക്കും കാ​ലി​നും ന​ടു​വി​നു​മൊ​ക്കെ പ്ര​ശ്ന​ങ്ങ​ളു​ള്ള​വ​രു​മൊ​ക്കെ​യാ​ണ്​ വീ​ട്ടി​ലു​ള്ള​തെ​ങ്കി​ൽ അ​ത്ത​ര​ക്കാ​ർ​ക്ക്​ കം​ഫ​ർ​ട്ടു​ള്ള വാ​ഹ​ന​ങ്ങ​ൾ വേ​ണം തെ​ര​ഞ്ഞെ​ടു​ക്കാ​ൻ. ക​യ​റാ​നും ഇ​റ​ങ്ങാ​നു​മു​ള്ള സൗ​ക​ര്യം മു​തി​ർ​ന്ന​വ​ർ​ക്ക് വ​ലി​യ കാ​ര്യ​മാ​ണ്. സാ​ധാ​ര​ണ ഗ​തി​യി​ൽ ന​ല്ല റോ​ഡു​ക​ളി​ലൂ​ടെ​യാ​വും ടെ​സ്റ്റ് ഡ്രൈ​വ് എ​ടു​ക്കു​ക. എ​ന്നാ​ൽ വ​ണ്ടി​യു​ടെ യാ​ത്രാ​സു​ഖ​വും മ​റ്റു​കാ​ര്യ​ങ്ങ​ളും പ​രി​ശോ​ധി​ക്ക​ണ​മെ​ങ്കി​ൽ എ​ല്ലാ റോ​ഡു​ക​ളി​ലും ഓ​ടി​ക്ക​ണം. പ്ര​ത്യേ​കി​ച്ച് ഗ​ട്ട​ർ നി​റ​ഞ്ഞ പാ​ത​ക​ളി​ലും സ്ഥി​ര​മാ​യി സ​ഞ്ച​രി​ക്കേ​ണ്ട വീ​ടി​ന​ടു​ത്തു​ള്ള റോ​ഡു​ക​ളും ടെ​സ്റ്റ് ഡ്രൈ​വി​ന്​ കി​ട്ടി​യാ​ൽ വ​ള​രെ ന​ന്നാ​യി​രി​ക്കും. ആ​വ​ശ്യ​മ​റി​ഞ്ഞു​മാ​ത്രം വാ​ഹ​നം തി​ര​ഞ്ഞെ​ടു​ക്കു​ക. ഉ​ദാ​ഹ​ര​ണ​ത്തി​ന് നാ​ലു​പേ​ർ വ​രെ​യു​ള്ള കു​ടും​ബം, ചെ​റി​യ വ​ഴി​യാ​ണ്​ വീ​ട്ടി​ലേ​ക്കു​ള്ള​ത്, വ​ള​ക്കാ​നും തി​രി​ക്കാ​നും ബു​ദ്ധി​മു​ട്ടാ​ണെ​ങ്കി​ൽ ഒ​രു സെ​ഡാ​ൻ വാ​ങ്ങു​ന്ന​ത് അ​ബ​ദ്ധ​മാ​യി​രി​ക്കും. ജാ​ട കാ​ണി​ക്കു​ക എ​ന്ന​തി​ലു​പ​രി​യാ​യി സൗ​ക​ര്യ​പ്ര​ദ​മാ​യി വാ​ഹ​നം കൈ​കാ​ര്യം ചെ​യ്യാ​ൻ പ​റ്റു​ക എ​ന്ന​തി​നാ​യി​രി​ക്ക​ണം മു​ൻ​തൂ​ക്കം. ധാ​രാ​ളം കു​ടും​ബാം​ഗ​ങ്ങ​ളു​ണ്ടെ​ങ്കി​ൽ ഒ​തു​ക്ക​മു​ള്ള എം.​പി.​വി​യോ എ​സ്‌.​യു.​വി​യോ വാ​ങ്ങാം. വ​ഴി​യേ പോ​കു​ന്ന എ​ല്ലാ​വ​രോ​ടും നാം ​വാ​ങ്ങു​ന്ന വാ​ഹ​ന​ത്തെ​ക്കു​റി​ച്ച്​ ചോ​ദി​ക്കാ​തി​രി​ക്കു​ക​യാ​ണ്​ ന​ല്ല​ത്. നി​ല​വി​ൽ ഈ ​വാ​ഹ​നം ഉ​പ​യോ​ഗി​ക്കു​ന്ന ആ​ളു​ക​​ളോ​ട്​ ചോ​ദി​ക്കു​ന്ന​തി​ൽ തെ​റ്റി​ല്ല താ​നും.