അബൂദബി: രണ്ട് പതിറ്റാണ്ടിലേറെ നീണ്ട പ്രവാസ ജീവിതത്തിന് ശേഷം നാട്ടിലേക്ക് മടങ്ങുന്ന അബൂദബി സുന്നി സെൻറർ സെക്രട്ടറി യൂസുഫ് ദാരിമിക്ക് യാത്രയയപ്പ് നൽകി. ഹജ്ജ് നിർവഹിക്കാൻ യാത്ര തിരിക്കുന്നഅബൂദബി ഇന്ത്യൻ ഇസ്ലാമിക് സെൻററർ പബ്ലിക് വിഭാഗം മുൻ സെക്രട്ടറി പി.വി. ഉമ്മർ ഹാജിക്കും യാത്രയയപ്പ് നൽകി. ഇസ്ലാമിക് സെൻറർ പ്രസിഡൻറ് പി. ബാവ ഹാജി, കെ.എം.സി.സി ആക്ടിങ് പ്രസിഡൻറ് വി.കെ. ശാഫി, സുന്നി സെൻറർ പ്രസിഡൻറ് ഡോ. ഒളവട്ടൂർ അബ്ദുറഹ്മാൻ, എസ്.കെ.എസ്.എസ്.എഫ് ട്രഷർ സാബിർ മാട്ടൂൽ, മലപ്പുറം ജില്ലാ എസ്.കെ.എസ്.എസ്.എഫ് പ്രസിഡൻറ് കബീർ ഹുദവി എന്നിവർ യൂസുഫ് ദാരിമിക്ക് ഉപഹാരം നൽകി. പി. ബാവഹാജി അധ്യക്ഷത വഹിച്ചു. സിംസാറുൽ ഹഖ് ഹുദവി ഉദ്ഘാടനം ചെയ്തു. ഉസ്മാൻ കരപ്പാത്ത്, പി.കെ. കരീം ഹാജി, എം. ഹിദായത്തുല്ല, അബ്ദുറഹ്മാൻ തങ്ങൾ, അബ്ദുല്ല നദ്വി എന്നിവർ സംസാരിച്ചു. കെ.എം.സി.സി ജനറൽ സെക്രട്ടറി ഷുക്കൂറലി കല്ലുങ്ങൽ സ്വാഗതവും ഇസ്ലാമിക് സെൻറർ ട്രഷർ ടി.കെ. അബ്ദുൽ സലാം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.