ദുബൈ: സൈക്കിൾ ട്രാക്കുകളിലെ യാത്രികർക്ക് അടിയന്തിര ഘട്ടത്തിൽ ബന്ധപ്പെടുന്നതിന് റോഡരികിൽ ടെലിഫോണുകൾ സ്ഥാപിക്കുന്നു. അൽ ഖുദ്റയിലെ 78 കിലോ മീറ്റർ സീഹ് അൽ സലാം ട്രാക്കിൽ സൗരോർജത്തിൽ ചാർജ് ചെയ്ത് പ്രവർത്തിപ്പിക്കാവുന്ന 30 ഫോണുകളാണ് സ്ഥാപിച്ചത്.റോഡ് ഗതാഗത അതോറിറ്റി (ആർ.ടി.എ) ദുബൈ പൊലീസും ഇത്തിസലാത്തുമായി ചേർന്നാണ് ഇത് നടപ്പാക്കുക. 2.25 കിലോമീറ്റർ പരിധിയിലായി സ്ഥാപിച്ചിരിക്കുന്ന ഫോണുകൾ പകൽ സമയത്ത് ഒാറഞ്ചു നിറത്തിലും രാത്രി പ്രഭാവർണം െകാണ്ടും എളുപ്പം തിരിച്ചറിയാനാവുമെന്ന് ആർ.ടി.എ ഭരണ വിഭാഗം ഡയറക്ടർ നബീൽ യൂസുഫ് അൽ അലി അറിയിച്ചു. എല്ലാ കാലാവസ്ഥയിലും ഇൗ ഫോണുകൾ പ്രവർത്തന ക്ഷമമാണ്.
യാത്രികർക്ക് അടിയന്തിര ഘട്ടങ്ങളിൽ ഇൗ ഫോണുകൾ മുഖേന സഹായം തേടാം.
ജനങ്ങളുടെ സുരക്ഷയും സന്തോഷവും ഉറപ്പാക്കാനുള്ള ശ്രമങ്ങളുടെ ഭാഗമാണ് ഇൗ നടപടി. ഒപ്പം പരിസ്ഥിതി സൗഹൃമായ ഉൗർജ ഉപയോഗവും ലക്ഷ്യമിടുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.