ദുബൈ: ഡി.പി.എല് പ്രീമിയര് ലീഗ് ക്രിക്കറ്റ് ടൂര്ണമെന്റിന്റെ അഞ്ചാമത് എഡിഷന് ഫെബ്രുവരിയില് തുടക്കമാവും. മുന് പതിപ്പുകളേക്കാള് ആവേശകരമാവും ഇത്തവണത്തെ ടൂര്ണമെന്റെന്ന് ഡി.പി.എല് ക്രിക്കറ്റ് ടൂര്ണമെന്റ് സമിതി അധ്യക്ഷന് റിയാസ് ബാരി പറഞ്ഞു. മികച്ച താരങ്ങളെ വാര്ത്തെടുക്കുന്നതിനുള്ള അവസരമായി കൂടിയാണ് ടൂര്ണമെന്റൊരുക്കുന്നതെന്നും അദ്ദേഹം കൂട്ടിച്ചേര്ത്തു.
ഗര്ഗാഷ് ഓട്ടോയാണ് ടൂര്ണമെന്റിന്റെ സംഘാടകര്. കഴിഞ്ഞ തവണത്തെ ചാമ്പ്യന്മാരായ ഡി.ആര്.ഒ കിങ്സ്, റണ്ണേഴ്സ് അപ്പായ ഡി.ആര്.ഒ പാട്രിയറ്റ്സ്, ഡി.ആര്.ഒ ടസ്കേഴ്സ്, ദ സ്പാര്ട്ടന്സ് എന്നിങ്ങനെ പ്രവാസി സമൂഹങ്ങളില് നിന്നുള്ള നാലു ടീമുകളാണ് കപ്പിനായി ഇത്തവണ പോരിനിറങ്ങുന്നത്.
വഖാസ് അലി ദറിന്റെ ഉടമസ്ഥതയിലുള്ള 5ജി ടെക്നോളജീസ് സ്പോണ്സര് ചെയ്യുന്ന ഡി.ആര്.ഒ പാട്രിയറ്റ്സിനെ നയിക്കുന്നത് സാദത്ത് നാലകത്താണ്. നിഖിലിന്റെ ഉടമസ്ഥതയിലുള്ള ഡി.ആര്.ഒ കിങ്സ് ആബ്സ് പാട്ടിലിന്റെ നേതൃത്വത്തില് ഇത്തവണയും കപ്പടിക്കാനുള്ള വാശിയിലാണ്. താഹിര് കാസിം ആണ് ഡി.ആര്.ഒ ടസ്കേഴ്സിന്റെ ക്യാപ്റ്റൻ. പ്രൊമിനന്റ് ഇന്ഷുറന്സ് ബ്രോക്കേഴ്സിന്റെ ദ സ്പാര്ട്ടന്സിനെ നയിക്കുന്നത് റിയാസ് ബാരിയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.