ഷാർജ സിറോ മലബാർ സമൂഹം വാർഷികാഘോഷം ഇടവക വികാരി ഫാ. മുത്തു ഉദ്ഘാടനം ചെയ്യുന്നു
ഷാർജ: ഷാർജ സെന്റ് മൈക്കിൾസ് ദേവാലയത്തിലെ സിറോ മലബാർ സമൂഹത്തിന്റെ വാർഷികാഘോഷമായ ‘കൂടാരം 2025’ അജ്മാനിലെ തുമ്പേ മെഡിസിറ്റി ഗ്രൗണ്ടിൽ നടന്നു. ‘കുടുംബവും വിശ്വാസവും ഒത്തുചേരുമ്പോൾ’ എന്ന സന്ദേശവുമായി സംഘടിപ്പിച്ച പരിപാടിയിൽ കുടുംബ യൂനിറ്റുകളുടെ റാലി, കലാപരിപാടികൾ, സംഗീത വിരുന്നുകൾ എന്നിവ അരങ്ങേറി.
പൊതുസമ്മേളനം ഇടവക വികാരി ഫാ. മുത്തു ഉദ്ഘാടനം ചെയ്തു. ഫാ. ജോൺ ജോസഫ് ഏടാട്ട് സംസാരിച്ചു. സമുദായ സേവനം ചെയ്ത വളന്റിയർമാരെ സമ്മേളനത്തിൽ ആദരിച്ചു. ഗായിക റീമി ടോമിയുടെ നേതൃത്വത്തിൽ സംഗീത പരിപാടി അവതരിപ്പിച്ചു. സിറോ മലബാർ കമ്യൂണിറ്റി കോഓഡിനേറ്റർ സോജിൻ കെ. ജോൺ, അസി. കോഓഡിനേറ്റർ സിമി ഡെന്നിസ്, എസ്.എം.സി അജ്മാൻ കോഓഡിനേറ്റർ വർഗീസ് ബേബി, സെക്രട്ടറി ബിജു ജോസഫ് , ഫാമിലി യൂനിറ്റ് കോഓഡിനേറ്റർ ബിനീഷ് ജോസഫ്, കൺവീനർമാർ അലൻ ജോസ്, ഷെറി ജോസഫ് എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.