ഷാർജ: ഇന്ത്യൻ അസോസിയേഷൻ ഷാർജ പ്രസിഡൻറ് അഡ്വ. വൈ.എ. റഹീമിന്റെ നേതൃത്വത്തിലുള്ള മാനേജിങ് കമ്മിറ്റി സംഘം ഫുജൈറയിലെയും കൽബയിലെയും വെള്ളപ്പൊക്കബാധിത പ്രദേശങ്ങൾ സന്ദർശിച്ച് ദുരിതബാധിതർക്ക് സഹായമെത്തിച്ചു.
കുടുംബങ്ങൾക്ക് രണ്ടാഴ്ച മുതൽ ഒരുമാസംവരെ ആവശ്യമായ എല്ലാ ഭക്ഷ്യവസ്തുക്കളും അടങ്ങിയ കിറ്റുകളാണ് വിതരണം ചെയ്തത്. ഇതിന് പുറമെ 120 കിടക്കകൾ, ബെഡ്ഷീറ്റുകൾ, തലയിണകൾ, പുതപ്പുകൾ എന്നിവയും വിതരണം ചെയ്തു. അവശ്യവസ്തുക്കളുടെ വിതരണം അടുത്ത ആഴ്ചയിലും ഉണ്ടാകുമെന്ന് ഭാരവാഹികൾ അറിയിച്ചു.
വെള്ളപ്പൊക്കത്തിൽ ചളിനിറഞ്ഞ വീടുകളിലെ ശുചീകരണ പ്രവർത്തനങ്ങൾക്കും അസോസിയേഷൻ പ്രവർത്തകർ രംഗത്തിറങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.