ജബൽജെയ്സിൽ കഴിഞ്ഞ ദിവസം മഞ്ഞുമൂടിയപ്പോൾ
ദുബൈ: രാജ്യത്ത് ശൈത്യം കനക്കുന്നതിനിടെ റാസൽഖൈമ എമിറേറ്റിലെ വിവിധ ഭാഗങ്ങളിൽ ഞായറാഴ്ച രാവിലെ മഴ ലഭിച്ചു. ജബൽ ജെയ്സ്, റംസ്, വാദി ശഹാഹ്, ജുൽഫർ, ജബൽ അൽ റഹാബ എന്നിവിടങ്ങളിലാണ് മഴ ലഭിച്ചത്. അതേസമയം ദുബൈയിലും അബൂദബിയിലും ചില സമയങ്ങളിൽ മേഘാവൃതമായ കാലാവസ്ഥയായിരുന്നു. പല സ്ഥലങ്ങളിലും തിങ്കളാഴ്ച രാവിലെ മൂടൽമഞ്ഞും അനുഭവപ്പെട്ടു.
തിങ്കളാഴ്ച രാജ്യത്തിന്റെ വിവിധ ഭാഗങ്ങളിൽ വെയിലും മേഘാവൃതമായ കാലാവസ്ഥയുമാണ് ദേശീയ കാലാവസ്ഥ നിരീക്ഷണ കേന്ദ്രം പ്രവചിക്കുന്നത്.
അതേസമയം രാത്രിയിലും ചൊവ്വാഴ്ച രാവിലെയും ഈർപ്പമുള്ള കാലാവസ്ഥ പ്രതീക്ഷിക്കാവുന്നതാണ്. പ്രധാനമായും ഉൾപ്രദേശങ്ങളിലാണ് ഈർപ്പം വർധിക്കാൻ സാധ്യതയുള്ളത്. 40കി.മീറ്റർ വേഗത വരെയുള്ള കാറ്റിനും സാധ്യതയുണ്ട്.
അറേബ്യൻ, ഒമാൻ കടലുകളിൽ കടൽ പ്രക്ഷുബ്ധമാകാനുള്ള സാധ്യതയുമുണ്ട്. താമസക്കാർ മാറിവരുന്ന മുന്നറിയിപ്പുകൾ ശ്രദ്ധിക്കണമെന്ന് അധികൃതർ ആവശ്യപ്പെട്ടിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.