അബൂദബി: ബലിപെരുന്നാള് അവധി ദിവസങ്ങളില് അബൂദബിയിലെ പാര്ക്കിങ്ങും ടോള് ഫീയും ഒഴിവാക്കി. വ്യാഴാഴ്ച മുതല് ഞായറാഴ്ച വരെയാണ് പാര്ക്കിങ് ഫീസ് ഒഴിവാക്കിയിരിക്കുന്നതെന്ന് അബൂദബി മൊബിലിറ്റി അറിയിച്ചു. തിങ്കളാഴ്ച മുതല് പെയ്ഡ് പാര്ക്കിങ് തുടങ്ങും. ദര്ബ് റോഡ് ടോള് സംവിധാനവും പെരുന്നാളിനോടനുബന്ധിച്ച് പ്രഖ്യാപിച്ചിരിക്കുന്ന അവധി ദിവസങ്ങളില് പ്രവര്ത്തിക്കില്ല.
തിങ്കളാഴ്ച മുതല് ടോള് സംവിധാനം പുനഃസ്ഥാപിക്കുകയുംചെയ്യും. അവധി ദിവസങ്ങളില് നിശ്ചിത ഇടങ്ങളില്നിന്ന് വിവിധ കേന്ദ്രങ്ങളിലേക്ക് മിനിബസ് സര്വിസായ അബൂദബി എക്സ്പ്രസ് സേവനം ലഭ്യമാണെന്ന് അധികൃതര് അറിയിച്ചു. പുലര്ച്ചെ ആറുമുതല് അര്ധരാത്രിവരെ മിനി ബസ് സര്വിസുകളുണ്ടാവും. ഓണ് ഡിമാൻഡ് ബസ് സര്വിസായ അബൂദബി ലിങ്ക് സര്വിസ് ഇതിനായുള്ള ആപ് മുഖേന ആവശ്യപ്പെടാവുന്നതാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.