പുതിയ അധ്യയന വർഷത്തിൽ സ്കൂളിലെത്തിയ കുട്ടികളെ
സ്വീകരിക്കുന്നു
ദുബൈ: ദുബൈ പൊലീസിന്‍റെ ഹിമായ സ്കൂളുകളിൽ പുതിയ അധ്യയന വർഷം ആരംഭിച്ചു. ദുബൈ പൊലീസിലെ ഉദ്യോഗസ്ഥരുടെ കുട്ടികൾക്കായുള്ള സ്കൂളാണ് ഹിമായ പബ്ലിക് സ്കൂളുകൾ. ഈ അധ്യയന വർഷത്തിൽ വ്യത്യസ്ത ഗ്രേഡുകളിലായി 44 വിദ്യാർഥികൾ ഭിന്നശേഷി വിഭാഗത്തിൽ നിന്നാണെന്ന് ഹിമായ സ്കൂൾസ് ഡയറക്ടർ ലഫ്റ്റനന്‍റ് കേണൽ അബ്ദുല്ല സഈദ് അൽ സുവൈദി പറഞ്ഞു.
നിശ്ചയദാർഢ്യ വിഭാഗത്തിന്‍റെ ശാക്തീകരണ കൗൺസിലുമായി സഹകരിച്ച് കുട്ടികൾക്ക് സന്തോഷവും പ്രചോദനവും ആവേശവും നിറഞ്ഞുനിൽക്കുന്ന വ്യത്യസ്ത പരിപാടികളോടെയാണ് പുതിയ അധ്യയന വർഷത്തെ സ്കൂളുകൾ വരവേറ്റത്. എല്ലാ വിദ്യാർഥികളെയും ഉൾക്കൊള്ളുന്ന അന്തരീക്ഷം സൃഷ്ടിക്കുന്നതിലുള്ള ഹിമായ സ്കൂളുകളുടെ പ്രതിബദ്ധതയാണ് ഭിന്നശേഷി കുട്ടികളുടെ പ്രവേശനം സൂചിപ്പിക്കുന്നതെന്നും അദ്ദേഹം പറഞ്ഞു. വിദ്യാർഥികൾക്ക് സ്കൂൾ ബാഗുകൾ, മറ്റ് ഉപകരണങ്ങൾ എന്നിവ വിതരണം ചെയ്തതിലൂടെ കുട്ടികളുടെ മനസ്സിൽ സന്തോഷം നിറക്കാൻ കഴിഞ്ഞതായി എംപവർമെന്‍റ് കൗൺസിൽ ഫോർ പീപ്ൾ ഓഫ് ഡിറ്റർമിനേഷൻ അംഗം ഫാത്തിമ ബുഹാജിർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.