ദുബൈ: മതം സഹിഷ്ണുത, സഹവര്‍ത്തിത്വം, സമാധാനം എന്ന പ്രമേയത്തിൽ ഡിസംബര്‍ 28 മുതല്‍ 31 വരെ മലപ്പുറത്ത് നടക്കുന്ന ഒമ്പതാമത് മുജാഹിദ് സംസ്ഥാന സമ്മേളനത്തിെൻറ യു.എ.ഇ തല പ്രചാരണോദ്ഘാടനം നാളെ വൈകീട്ട് ആറിന് ദുബൈ അൽ ഖൂസിലെ അൽ മനാർ സെൻററിൽ നടക്കും. കെ.എന്‍.എം സംസ്ഥാന പ്രസിഡണ്ട്് ടി.പി. അബ്ദുല്ലക്കോയ മദനി പ്രചരണ സമ്മേളനം ഉദ്ഘാടനം നിർവഹിക്കുമെന്ന് ഇന്ത്യന്‍ ഇസ്ലാഹി സെൻറര്‍ ഭാരവാഹികള്‍ വാർത്താസമ്മേളനത്തില്‍ അറിയിച്ചു. മുജാഹിദ് പുനരേകീകരണത്തിനു ശേഷം ആദ്യമായി നടക്കുന്ന സംസ്ഥാന സമ്മേളനം െഎക്യമഹാസമ്മേളനമായി മാറുമെന്ന് ഇന്ത്യൻ ഇസ്ലാഹി സെൻറർ പ്രസിഡൻറ് എ.പി. അബ്ദുസ്സമദ് പറഞ്ഞു.
യു.എ.ഇയിലെ വിവിധ എമിറേറ്റുകളിൽ സംഗമങ്ങളും വനിതാ സമ്മേളനവും കലാ^സാംസ്കാരിക കൂട്ടായ്മകളും സമ്മേളന പ്രചാരണത്തിെൻറ ഭാഗമായി നടത്തും. വർഗീയതക്കും ഭീകരതക്കുമെതിരെ കൃത്യമായ നിലപാടെടുക്കേണ്ട സാഹചര്യത്തിൽ സമാധാനവും സഹിഷ്ണുതയും പ്രചരിപ്പിക്കുന്ന സമ്മേളന പ്രമേയം ഏറെ കാലിക പ്രസക്തമാണ്.
മുസ്തഫാ തന്‍വീര്‍, ബഷീര്‍ പട്ടേല്‍താഴം എന്നിവര്‍ പ്രമേയം വിശദീകരിച്ച് സംസാരിക്കും.
വി.കെ. സകരിയ്യ (ചെയര്‍മാന്‍, മുജാഹിദ് സമ്മേളന സ്വാഗത സംഘം, കേരള), പൊയില്‍ അബ്ദുല്ല (ചെയര്‍മാന്‍, സ്വാഗത സംഘം, യു.എ.ഇ),ജാഫര്‍ സാദിഖ് ,മുസ്തഫാ തന്‍വീര്‍,ബഷീര്‍ പട്ടേല്‍താഴം,മുഹമ്മദ് അലി പാറക്കടവ്, അബ്ദുല്‍ നസീര്‍ പി.എ എന്നിവരും വാർത്താ സമ്മേളനത്തിൽ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.