തുരുത്തുമ്മൽ ആശിഖ്
ദുബൈ: സന്ദർശക വിസയിൽ ദുബൈയിൽ എത്തിയ മലയാളി യുവാവിനെ കാണാനില്ലെന്ന് പരാതി. കണ്ണൂർ പയ്യന്നൂർ രാമന്തളി ചെനോത്ത് തുരുത്തുമ്മൽ ആശിഖിനെയാണ് (31) കാണാതായത്. ഇത് സംബന്ധിച്ച് സുഹൃത്തുക്കൾ ഇന്ത്യൻ കോൺസുലേറ്റിനെ വിവരം അറിയിച്ചു.
ദുബൈ ഇൻറർനാഷണൽ സിറ്റിയിൽ സുഹൃത്തിനൊപ്പമായിരുന്നു താമസം. അബൂദബിയിൽ ഷോപ്പിൽ ജോലിക്ക് കയറുന്നതിനായി കഴിഞ്ഞ 16നാണ് ദുബൈയിൽ എത്തിയത്. അബൂദബിയിൽ 14 ദിവസം ക്വാറൻറീൻ നിർബന്ധമായതിനാൽ ആ കാലാവധി കഴിഞ്ഞ് അവിടെയെത്താനായിരുന്നു പദ്ധതി. എന്നാൽ, ശനിയാഴ്ച റൂമിൽ നിന്ന് പുറത്തുപോയ ആശിഖ് പിന്നീട് തിരിച്ചുവന്നിട്ടില്ല.
കൂടെയുണ്ടായിരുന്ന സുഹൃത്ത് ഒപ്പം വരാം എന്ന് പറഞ്ഞിരുന്നു. എന്നാൽ, സുഹൃത്ത് മാസ്കെടുക്കാൻ മുറിയിൽ കയറി തിരിച്ചെത്തിയപ്പോഴേക്കും ആശിഖ് പോയിരുന്നു. മുൻപ് അബൂദബിയിൽ ജോലി ചെയ്തിരുന്ന ആശിഖ് അടുത്തിടെ നാട്ടിൽ പോയിരുന്നു. അതിന് ശേഷം 16നാണ് സന്ദർശക വിസയിൽ തിരിച്ചെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.