വടകര ചോറോട് ഈസ്റ്റ് കക്കാട് ജുമുഅത്ത് പള്ളി മഹല്ല് കമ്മിറ്റി യു.എ.ഇ ചാപ്റ്ററിന്റെ നേതൃത്വത്തിൽ സംഘടിപ്പിച്ച സ്നേഹസംഗമത്തിൽ സിംസാറുൽ ഹഖ് ഹുദവി സംസാരിക്കുന്നു
അജ്മാൻ: വടകര ചോറോട് ഈസ്റ്റ് കക്കാട് ജുമുഅത്ത് പള്ളി മഹല്ല് കമ്മിറ്റി യു.എ.ഇ ചാപ്റ്ററിന്റെ നേതൃത്വത്തിൽ യു.എ.ഇയുടെ വിവിധ ഭാഗങ്ങളിലെ മഹല്ല് നിവാസികളെ ഒരുമിച്ചു കൂട്ടി സ്നേഹസംഗമം നടത്തി. അജ്മാൻ ജീപാസ് ഫാം ഹൗസിൽ നടന്ന സംഗമം വെസ്റ്റേൺ ഗ്രൂപ് ചെയർമാൻ കെ.പി. ബഷീർ ഉദ്ഘാടനം ചെയ്തു. സിംസാറുൽ ഹഖ് ഹുദവി വിശിഷ്ടാതിഥി ആയിരുന്നു. മഹല്ല് കമ്മിറ്റിയെ പ്രതിനിധീകരിച്ച് ജന. സെക്രട്ടറി കെ.പി. അബ്ദുൽ അസീസ് , ട്രഷറർ അഷ്റഫ് പട്ടാര, യു.എ.ഇ ചാപ്റ്റർ മുഖ്യ രക്ഷാധികാരി കെ.പി. ഉസ്മാൻ എന്നിവർ സംബന്ധിച്ചു. യു.എ.ഇ ചാപ്റ്റർ പ്രസിഡന്റ് കെ.പി . ജമാൽ (നെസ്റ്റോ ഗ്രൂപ്) അധ്യക്ഷത വഹിച്ചു. അമീൻ അഹമ്മദ് ഖുർആൻ പാരായണം ചെയ്തു. മുനവ്വർ ആരാമം, ഷാജി ബലയമ്പത്ത് എന്നിവർ സംസാരിച്ചു. ജനറൽ സെക്രട്ടറി വി.കെ. നൗഷാദ് സ്വാഗതവും ജോ. സെക്രട്ടറി ഷംസീർ മാലോൽ നന്ദിയും പറഞ്ഞു. മഹല്ലിലെ വിദ്യാഭ്യാസ, സാംസ്കാരിക സാമൂഹിക പുരോഗതിക്ക് ഉതകുന്ന പദ്ധതികള്ക്ക് രൂപരേഖ തയാറാക്കി. ഉസ്മാൻ ഇ.ടി.കെ, മുഹമ്മദ് കുളിർമ, ഫാസിൽ പൂത്തോളി, റഹീം മണിയോത്ത്, പി.കെ. സാബിത്ത് , നിസാർ കോമത്ത്, കെ. ഷാഹിദ് ,പി.കെ. ഇസ്ഹാഖ് , സുബൈർ കുനിയിൽ എന്നിവർ നേതൃത്വം നൽകി. വിവിധ കലാകായിക മത്സരങ്ങളും സംഘടിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.