ദുബൈ: മമ്പാട് പഞ്ചായത്തിലെ വിവിധ ടീമുകളെ അണിനിരത്തി മമ്പാട് ഫ്രണ്ട്സ് യു.എ.ഇ നടത്തിയ ഏഴാമത് ഇന്റർ മമ്പാട് ഫുട്ബാൾ മത്സരത്തിൽ ബ്രദേഴ്സ് മേപ്പാടം ജേതാക്കളായി. ചാലിയാർ ഓടായിക്കലിനെ എതിരില്ലാത്ത ഒരു ഗോളിന് തോൽപിച്ചാണ് ബ്രദേഴ്സ് മേപ്പാടം ജേതാക്കളായത്. ദുബൈ ഖിസൈസിലെ അൽ ബുസ്താൻ ഗ്രൗണ്ടിൽ നടന്ന ടൂർണമെന്റിൽ കുടുംബങ്ങളടക്കം കളി കാണാനെത്തി. ടൂർണമെന്റിൽ മികച്ച കീപ്പറായി ഫവാസ് ഓടായിക്കലിനേയും മികച്ച ഡിഫൻഡറായി ഷാഹിദ് മേപ്പാടത്തെയും തിരഞ്ഞെടുത്തു. റിയാസ് ആച്ചു മേപ്പാടമാണ് കളിയിലെ മികച്ച താരം.
ടോപ് സ്കോറർ നേബുഹാൻ മേപ്പാടം. ദുബൈയിൽ നടന്ന ഖേലോ ഇന്ത്യ ഫുട്ബാൾ സെലക്ഷനിൽ വിജയിച്ച് ഇന്ത്യയിൽ നടന്ന ട്രയൽസിൽ പങ്കെടുത്ത അഫ്ഹാം ശിഹാബിനെ ചടങ്ങിൽ സ്പെഷൽ അച്ചീവ്മെന്റ് അവാർഡ് നൽകി ആദരിച്ചു. വിജയികൾക്ക് അബ്ദുൽ സലാം ഓടായിക്കലും മമ്പാട് ഫ്രണ്ട്സ് യു.എ.ഇ പ്രസിഡന്റ് അബ്ദുറഹ്മാൻ മാട്ടുമ്മലും ട്രോഫി കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.