ഉമ്മുല്ഖുവൈൻ: ഇന്ത്യൻ സമൂഹം രാഹുൽ ഗാന്ധിയിൽ പ്രതീക്ഷയർപ്പിച്ചിരിക്കുന്നുവെന്ന ും അതിെൻറ പ്രതിഫലനമാണ് കഴിഞ്ഞ സംസ്ഥാന നിയമസഭാ തെരഞ്ഞെടുപ്പുകളിൽ കണ്ടതെന്നും എ.ഐ.സി.സി. സെക്രട്ടറി ഹിമാൻഷു വ്യാസ് പറഞ്ഞു. മതേതരത്വത്തിെൻറയും ജനാധിപത്യത്തിെൻറയും കാവലാളാകുവാൻ കോൺഗ്രസിനു മാത്രമേ കഴിയൂ.
കോൺഗ്രസ് അധ്യക്ഷൻ രാഹുല് ഗാന്ധിയുടെ യു.എ.ഇ. സന്ദർശനവുമായി ബന്ധപ്പെട്ട ക്രമീകരണങ്ങൾക്കെത്തിയ അദ്ദേഹം ദക്ഷിണ മേഖല നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു. ഇൻകാസ് ഉമ്മുല്ഖുവൈന് പ്രസിഡൻറ് സഞ്ജു പിള്ള അധ്യക്ഷത വഹിച്ചു. യോഗത്തിൽ സെൻട്രൽ കമ്മറ്റി പ്രസിഡൻറ് മഹാദേവൻ വാഴശ്ശേരിൽ മുഖ്യ പ്രഭാഷണം നടത്തി. ജനറൽ സെക്രട്ടറി പുന്നക്കൻ മുഹമ്മദ് അലി, നേതാക്കളായ എം.ജി. പുഷ്പൻ, ജേക്കബ് പത്തനാപുരം, മാത്യു ജോൺ, ഷൈൻ, അനുര, ദീപ, ബിജു തുടങ്ങിയവർ സംസാരിച്ചു. വിവിധ എമിറേറ്റുകളിൽ നിന്നായി നിരവധി നേതാക്കൾ ചടങ്ങിൽ പങ്കെടുത്തു. ദക്ഷിണ മേഖലാ കൺവൻഷൻ ജനുവരി 4ന് കെ.പി.സി.സി. പ്രചാരണ സമിതി ചെയർമാൻ കെ. മുരളീധരൻ എം.എൽ.എ. ഉൽഘാടനം ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.