അബൂദബി: അനധികൃതമായി പരസ്യബോര്ഡുകളും ഹോര്ഡിങ്ങുകളും സ്ഥാപിക്കുന്നതിനെതിരെ മുന്നറിയിപ്പുമായി അബൂദബി. നിയമലംഘകരില്നിന്ന് കനത്ത പിഴ ഈടാക്കുമെന്നും അധികൃതര് മുന്നറിയിപ്പ് നല്കി. അബൂദബി നഗര, ഗതാഗത വകുപ്പ് സാമൂഹികമാധ്യമ അക്കൗണ്ടുകളിലൂടെയാണ് ഇതുസംബന്ധിച്ച മുന്നറിയിപ്പ് നല്കിയത്. എമിറേറ്റിലെ പൊതുവിടങ്ങളുടെ ശുചിത്വവും ദൃശ്യഭംഗിയും നിലനിര്ത്തുന്നതിന്റെ ഭാഗമായാണ് നടപടി. അനുമതിയില്ലാതെ പരസ്യബോര്ഡ് സ്ഥാപിക്കുകയോ അനുമതി ലഭിച്ചവ കാലാവധിക്കുശേഷം നിലനിര്ത്തുകയോ ചെയ്താല് രണ്ടായിരം ദിര്ഹമാണ് പിഴ. കുറ്റം ആവര്ത്തിച്ചാല് പിഴത്തുക നാലായിരം ദിര്ഹമായി ഉയരും. മൂന്നാം തവണമുതലുള്ള നിയമലംഘനങ്ങള്ക്ക് 8000 ദിര്ഹമാണ് പിഴയൊടുക്കേണ്ടത്. അനധികൃതമായോ പെര്മിറ്റ് കാലാവധി അവസാനിച്ചശേഷമോ ഹോര്ഡിങ്ങുകള് സ്ഥാപിക്കുന്നതിനും സമാനമായ പിഴത്തുകകളാണ് ഒടുക്കേണ്ടിവരിക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.