ദുബൈ ശൈഖ് സായിദ് റോഡിലുണ്ടായ അപകടത്തിൽ തകർന്ന വാഹനം
ദുബൈ: നഗരത്തിൽ രണ്ട് അപകടങ്ങളിലായി നാല് പേർക്ക് പരിക്കേറ്റു. ബുധനാഴ്ച രാവിലെ ശൈഖ് സായിദ് റോഡിലാണ് അപകടം. അമിത വേഗതയും അശ്രദ്ധയുമാണ് അപകടങ്ങൾക്കിടയാക്കിയതെന്ന് ദുബൈ പൊലീസ് ട്രാഫിക് ജനറൽ ഡിപാർട്മെൻറ് ഡയറക്ടർ ജമാ സാലിം ബിൻ സുവൈദ് പറഞ്ഞു.
പുലർച്ച 2.30നാണ് ആദ്യ അപകടം. മോട്ടോർസൈക്കിളും മറ്റൊരു വാഹനവുമായി കൂട്ടിയിടിക്കുകയായിരുന്നു. മോട്ടോർ സൈക്കിൾ യാത്രികന് നിസ്സാര പരിക്കേറ്റു.രാവിലെ 11നാണ് രണ്ടാമത്തെ അപകടം. ഷാർജയിലേക്ക് പോകുകയായിരുന്ന സെഡാനും എസ്.യു.വിയും കൂട്ടിയിടിക്കുകയായിരുന്നു.
റോഡിൽനിന്ന് തെന്നിമാറിയ എസ്.യു.വി ബാരിയറിൽ ഇടിച്ചാണ് നിന്നത്.ഈ അപകടത്തിൽ മൂന്നുപേർക്ക് കാര്യമായ പരിക്കേറ്റു. ഇവരെ ആശുപത്രിയിൽ എത്തിച്ചതായി പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.