ദുബൈ: യു.എ.ഇ പ്രസിഡൻറ് ശൈഖ് ഖലീഫ ബിൻ സായിദ് ആൽ നഹ്യാൻ ആഹ്വാനം ചെയ്ത ദാനവർഷത്തിെൻറ ഭാഗമായി യു.എ.ഇ വൈസ്പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തും പ്രഖ്യാപിച്ച യു.എ.ഇ ഭക്ഷ്യബാങ്കിന് സ്ഥിരം സ്േപാൺസർഷിപ്പുമായി ഇൗസാ സാലിഹ് അൽ ഗുർഗ് ചാരിറ്റി ഫൗണ്ടേഷൻ. ഫൗണ്ടേഷൻ അധ്യക്ഷൻ ഡോ. റജാ ഇൗസാ സാലിഹ് അൽ ഗുർഗും ദുബൈ നഗരസഭാ ഡയറക്ടർ ജനറലും ഭക്ഷ്യ ബാങ്ക് ഉപാധ്യക്ഷനുമായ ഹുസൈൻ നാസർ ലൂത്തയും ഇതു സംബന്ധിച്ച ധാരണാ പത്രം ഒപ്പുവെച്ചു. സത്വ, മുഹൈസിന എന്നിവിടങ്ങളിലെ ബാങ്ക് ശാഖകളുടെ സ്ഥാപനത്തിനും നടത്തിപ്പിനുമുള്ള പ്രവർത്തനങ്ങൾ ഗുർഗ് ഫൗണ്ടേഷൻ നിർവഹിക്കും. വിശക്കുന്നവർക്ക് ഭക്ഷണം ഉറപ്പാക്കാനും ഭക്ഷണം പാഴാവുന്നത് തടയുന്നതിനും ലക്ഷ്യമിടുന്ന ബാങ്കിെൻറ പ്രവർത്തനം കൂടുതൽ ജീവകാരുണ്യ^സന്നദ്ധ സംഘടനകളുടെ സഹകരണത്തോടെ ശക്തമാക്കുമെന്ന് നാസർ ലൂത്ത പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.