ഷാർജ: എമിറേറ്റിലെ വ്യവസായിക മേഖല-5ൽ സ്പെയർ പാർട്സ് വെയർഹൗസിൽ തീപിടിത്തം. ശനിയാഴ്ച വൈകീട്ടുണ്ടായ അഗ്നിബാധയിൽ ആർക്കും പരിക്കില്ല. അതിവേഗം സംഭവസ്ഥലത്തെത്തിയ സിവിൽ ഡിഫൻസ് ടീമംഗങ്ങൾ തീയണക്കുകയും കൂടുതൽ അപകടങ്ങളില്ലാതെ സംരക്ഷിക്കുകയും ചെയ്തു. ഷാർജ പൊലീസ് ജനറൽ കമാൻഡിന്റെ ഓപറേഷൻസ് റൂമിൽ വൈകീട്ട് 6.20ഓടെയാണ് തീപിടിത്തം സംബന്ധിച്ച വിവരം ലഭിച്ചത്. സിവിൽ ഡിഫൻസ് വാഹനങ്ങളും പൊലീസ് പട്രോളിങ് വാഹനങ്ങളും ആംബുലൻസും അതിവേഗം സംഭവസ്ഥലത്തെത്തി. മൂന്ന് സ്പെയർപാർട്സ് വെയർഹൗസുകളിലേക്കാണ് തീപടർന്നിരുന്നത്. തീപിടിത്തത്തെ തുടർന്ന് പ്രദേശത്ത് കറുത്ത പുക നിറഞ്ഞിരുന്നു. പ്രദേശം ഒഴിപ്പിച്ച അധികൃതർ തീയണക്കാൻ അതിവേഗം നടപടി സ്വീകരിച്ചു. രക്ഷാപ്രവർത്തനത്തിന് ശേഷം സംഭവത്തിൽ അന്വേഷണം നടത്തുന്നതിന് മേഖല ബന്ധപ്പെട്ട അധികൃതർക്ക് സിവിൽ ഡിഫൻസ് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.