ആ​വേ​ശ​പ്പ​ക​ർ​ച്ച​യു​ടെ ദു​ബൈ ടെ​ന്നി​സ്

ദു​ബൈ: ഓ​രോ ത​വ​ണ​യും സ്വ​യം മെ​ച്ച​പ്പെ​ടു​ത്തു​ന്ന ദു​ബൈ ഡ്യൂ​ട്ടി ഫ്രീ ​ഓ​പ​ൺ ടെ​ന്നി​സി​ൽ ഇ​ക്കു​റി അ​ണി​നി​ര​ന്ന​ത് ഏ​റ്റ​വും മി​ക​ച്ച നി​ര. വ​നി​ത ടെ​ന്നി​സി​ലെ ആ​ദ്യ പ​ത്ത് സ്ഥാ​ന​ക്കാ​രി​ൽ ഏ​ഴു​പേ​രും പോ​രി​നി​റ​ങ്ങി​യ​പ്പോ​ൾ പു​രു​ഷ​വി​ഭാ​ഗ​ത്തി​ൽ നൊ​വാ​ക് ദ്യോ​കോ​വി​ച്ചും മെ​ദ്​​വ​ദേ​വും ഉ​ൾ​പ്പെ​ട്ട വ​മ്പ​ന്മാ​ർ കൊ​മ്പു​കോ​ർ​ത്തു.

പ​രി​ക്കി​നെ തു​ട​ർ​ന്ന് റാ​ഫേ​ൽ ന​ദാ​ലും ആ​ൻ​ഡി മ​റെ​യും പി​ൻ​വാ​ങ്ങി​യി​ല്ലാ​യി​രു​ന്നെ​ങ്കി​ൽ ലോ​ക ടെ​ന്നി​സി​ലെ കൊ​ല​കൊ​മ്പ​ന്മാ​രു​ടെ പോ​രാ​ട്ട​മാ​കു​മാ​യി​രു​ന്നു. ഇ​ന്ത്യ​ൻ ടെ​ന്നി​സി​നെ മാ​റ്റി​മ​റി​ച്ച സാ​നി​യ മി​ർ​സ​യു​ടെ വി​ര​മി​ക്ക​ലും ഈ ​സീ​സ​ണി​ന്‍റെ സ​വി​ശേ​ഷ​ത​യാ​യി.

വ​മ്പ​ൻ അ​ട്ടി​മ​റി​ക​ളു​ടെ പോ​രാ​ട്ടം കൂ​ടി​യാ​യി​രു​ന്നു ക​ഴി​ഞ്ഞു​പോ​യ​ത്. മി​ഡി​ലീ​സ്​​റ്റി​ലെ ഏ​റ്റ​വും വ​ലി​യ ടെ​ന്നി​സ്​ ടൂ​ർ​ണ​മെ​ന്‍റാ​യ ദു​ബൈ ഡ്യൂ​ട്ടി ​ഫ്രീ ​ഓ​പ​ൺ ടെ​ന്നി​സ്​ ചാ​മ്പ്യ​ൻ​ഷി​പ്പി​ന്‍റെ വ​നി​ത വി​ഭാ​ഗ​ത്തി​ൽ ബാ​ർ​ബോ​റ ക്രെ​ജി​ക്കോ​വ​യാ​ണ്​ ക​ന്നി​ക്കി​രീ​ടം സ്വ​ന്ത​മാ​ക്കി​യ​ത്. ലോ​ക ഒ​ന്നാം ന​മ്പ​ർ താ​രം ഐ​ഗ സ്വൈ​റ്റ​ക്കി​നെ എ​തി​രി​ല്ലാ​ത്ത ര​ണ്ട്​ സെ​റ്റു​ക​ൾ​ക്ക്​ 91 മി​നി​റ്റി​ൽ നി​ഷ്പ്ര​ഭ​യാ​ക്കി​യാ​ണ്​ ക്രെ​ജി​ക്കോ​വ താ​ര​മാ​യ​ത്. 16ാം റാ​ങ്കു​കാ​രി​യാ​യ ക്രെ​ജി​ക്കോ​വ​യു​ടെ പ​ട​യോ​ട്ട​ത്തി​നു​മു​ന്നി​ൽ ലോ​ക ര​ണ്ടാം ന​മ്പ​ർ താ​രം ആ​ര്യ ​സെ​ബ​ല​ങ്ക​യും മൂ​ന്നാം ന​മ്പ​റു​കാ​രി ജെ​സി​ക്ക പെ​ഗു​ല​യും വീ​ണു​പോ​യി. ദു​ബൈ ഓ​പ​ൺ ടെ​ന്നി​സി​ന്‍റെ സൗ​ന്ദ​ര്യ​വും ഈ ​അ​ട്ടി​മ​റി​ക​ളാ​യി​രു​ന്നു. പു​രു​ഷ വി​ഭാ​ഗ​ത്തി​ൽ ​കി​രീ​ട ഫേ​വ​റൈ​റ്റാ​യി​രു​ന്ന നൊ​വാ​ക്​ ദ്യോ​കോ​വി​ച്ചി​ന്​ അ​ടി​പ​ത​റി​യ​ത്​ സെ​മി​യി​ലാ​ണ്. ഈ ​വ​ർ​ഷ​ത്തെ ചാ​മ്പ്യ​ൻ മെ​ദ്​​വ​ദേ​വാ​ണ്​ ദ്യോ​കോ​യെ പ​റ​ഞ്ഞ​യ​ച്ച​ത്. ടൂ​ർ​ണ​മെ​ന്‍റി​ലെ ഏ​റ്റ​വും ആ​വേ​ശ​ക​ര​മാ​യ മ​ത്സ​രം ലോ​ക ഒ​ന്നാം ന​മ്പ​ർ താ​രം ദ്യോ​കോ​വി​ച്ചും 130ാം റാ​ങ്കു​കാ​ര​ൻ തോ​മ​സ്​ മ​ചാ​ക്കും ത​മ്മി​ലെ പോ​രാ​ട്ട​മാ​യി​രു​ന്നു. ആ​ദ്യ സെ​റ്റ്​ ദ്യോ​കോ സ്വ​ന്ത​മാ​ക്കി​യെ​ങ്കി​ലും ര​ണ്ടാം സെ​റ്റ്​ മ​ചാ​ക്​ പി​ടി​ച്ചെ​ടു​ത്തു.

അ​വ​സാ​ന സെ​റ്റി​ന്‍റെ അ​വ​സാ​ന മി​നി​റ്റു​വ​രെ പോ​രാ​ടി​യ മ​ചാ​ക്​ ടൈ​ബ്രേ​ക്ക​റി​ലാ​ണ്​ കീ​ഴ​ട​ങ്ങി​യ​ത്. ലോ​ക ടെ​ന്നി​സി​ൽ ഏ​റ്റ​വും കൂ​ടു​ത​ൽ കാ​ലം ഒ​ന്നാം ന​മ്പ​റി​ൽ തു​ട​ർ​ന്ന സ്​​റ്റെ​ഫി ഗ്രാ​ഫി​ന്‍റെ റെ​ക്കോ​ഡ്​ ദ്യോ​കോ​വി​ച്​ മ​റി​ക​ട​ന്ന​തും ദു​ബൈ​ ​ടെ​ന്നി​സി​നി​ടെ​യാ​ണ്. പു​രു​ഷ വി​ഭാ​ഗ​ത്തി​ൽ റ​ഷ്യ​ക്കാ​രു​ടെ ഫൈ​ന​ലാ​യി​രു​ന്നു. സ്വ​ന്തം നാ​ട്ടു​കാ​ര​നാ​യ ആ​ന്ദ്രേ റ​ബ്​​ലേ​വി​നെ കീ​ഴ​ട​ക്കി മെ​ദ്​​വ​ദേ​വ്​ കി​രീ​ടം സ്വ​ന്ത​മാ​ക്കി​യെ​ങ്കി​ലും കാ​ണി​ക​ൾ​ക്ക്​ അ​ത്ര ന​ല്ല വി​രു​ന്നാ​യി​രു​ന്നി​ല്ല മ​ത്സ​രം. ഏ​ക​പ​ക്ഷീ​യ​മാ​യി മെ​ദ്​​വ​ദേ​വ്​ വി​ജ​യി​ക്കു​ക​യാ​യി​രു​ന്നു.

അ​വ​സാ​ന ടൂ​ർ​ണ​മെ​ന്‍റി​നി​റ​ങ്ങി​യ സാ​നി​യ മി​ർ​സ​ക്ക്​ ആ​ദ്യ മ​ത്സ​ര​ത്തി​ൽ​ത്ത​ന്നെ ക​ളി അ​വ​സാ​നി​​പ്പി​ക്കേ​ണ്ടി​വ​ന്നു. എ​ങ്കി​ലും, സാ​നി​യ അ​ന്താ​രാ​ഷ്ട്ര മ​ത്സ​രം ക​ളി​ച്ചു​തു​ട​ങ്ങി​യ ദു​ബൈ​യി​ലെ ക​ളി​മു​റ്റ​ത്ത്​ അ​വ​ർ​ക്കാ​യി സം​ഘാ​ട​ക​ർ ആ​ദ​ര​മൊ​രു​ക്കി​യി​രു​ന്നു.

ഗ​ൾ​ഫി​ലെ ഏ​റ്റ​വും ആ​ക​ർ​ഷ​ണ​മേ​റി​യ ടെ​ന്നി​സ്​ ടൂ​ർ​ണ​മെ​ന്‍റാ​ണി​ത്. സൂ​പ്പ​ർ താ​ര​ങ്ങ​ളു​ടെ സാ​ന്നി​ധ്യം മാ​ത്ര​മ​ല്ല, വ​മ്പ​ൻ പ്രൈ​സ്​ മ​ണി​യും വി​ജ​യി​ക​ൾ​ക്ക്​ ന​ൽ​കു​ന്നു​ണ്ട്. മു​ൻ​കാ​ല​ങ്ങ​ളി​ലെ സ്ഥി​ര സാ​ന്നി​ധ്യ​മാ​യി​രു​ന്നു റോ​ജ​ർ ഫെ​ഡ​റ​ർ. ഫെ​ഡ്​ എ​ക്സ്​​പ്ര​സ്​ വി​ട​വാ​ങ്ങി​യ ശേ​ഷ​മു​ള്ള ആ​ദ്യ ദു​ബൈ ഓ​പ​ണാ​ണ്​ ന​ട​ന്ന​ത്.