ദുബൈ പൊലീസ്​ ‘ഓൺ ദ ഗോ’ സേവനങ്ങൾ വിപുലീകരിച്ചു

ദുബൈ: ദു​ബൈ പൊ​ലീ​സി​ന്‍റെ ‘ഓ​ൺ ദ ​ഗോ’​സം​രം​ഭം ര​ണ്ട്​ സേ​വ​ന​ങ്ങ​ൾ കൂ​ടി ഉ​ൾ​പ്പെ​ടു​ത്തി വി​പു​ലീ​ക​രി​ച്ചു. നി​ശ്ച​യ​ദാ​ർ​ഢ്യ​മു​ള്ള​വ​ർ​ക്കും തൊ​ഴി​ലാ​ളി​ക​ൾ​ക്കും ഉ​പ​കാ​ര​പ്ര​ദ​മാ​കു​ന്ന സേ​വ​ന​ങ്ങ​ളാ​ണ് പു​തു​താ​യി ഉ​ൾ​പ്പെ​ടു​ത്തി​യ​ത്. ശാ​രീ​രി​ക, ശ്ര​വ​ണ, കാ​ഴ്ച പ​രി​മി​തി​യു​ള്ള​വ​ർ​ക്ക് അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ അ​തി​വേ​ഗ സ​ഹാ​യം ല​ഭ്യ​മാ​ക്കും. തൊ​ഴി​ലാ​ളി​ക​ൾ​ക്ക് വേ​ത​നം, താ​മ​സം, ആ​രോ​ഗ്യ സു​ര​ക്ഷ എ​ന്നി​വ​യു​മാ​യി ബ​ന്ധ​പ്പെ​ട്ട പ​രാ​തി​ക​ൾ അ​റി​യി​ക്കാം.

സാ​മൂ​ഹി​ക ക്ഷേ​മം മെ​ച്ച​പ്പെ​ടു​ത്താ​നു​ള്ള സേ​ന​യു​ടെ ല​ക്ഷ്യ​ങ്ങ​ൾ​ക്ക് അ​നു​സൃ​ത​മാ​യാ​ണ് പു​തി​യ സേ​വ​ന​ങ്ങ​ൾ അ​വ​ത​രി​പ്പി​ച്ച​ത്. ചെ​റി​യ വാ​ഹ​നാ​പ​ക​ട​ങ്ങ​ൾ, അ​പ​ക​ട റി​പ്പോ​ർ​ട്ടു​ക​ൾ, ന​ഷ്ട​പ്പെ​ട്ട​തും ക​ണ്ടെ​ത്തി​യ​തു​മാ​യ വ​സ്തു​ക്ക​ൾ, വാ​ഹ​ന അ​റ്റ​കു​റ്റ​പ്പ​ണി സേ​വ​ന മാ​ർ​ഗ​നി​ർ​ദേ​ശ​ങ്ങ​ൾ, ‘പൊ​ലീ​സ് ഐ’ ​ക​മ്മ്യൂ​ണി​റ്റി റി​പ്പോ​ർ​ട്ടി​ങ്, ഇ-​ക്രൈം റി​പ്പോ​ർ​ട്ടി​ങ് എ​ന്നി​വ​യാ​ണ് ‘ഓ​ൺ ദ ​ഗോ’ ന​ൽ​കു​ന്ന മ​റ്റു സേ​വ​ന​ങ്ങ​ൾ.

2017ലാ​ണ് സേ​വ​നം ആ​രം​ഭി​ച്ച​ത്. എ​മി​റേ​റ്റ്സ് നാ​ഷ​ന​ൽ ഓ​യി​ൽ ക​മ്പ​നി (ഇ​നോ​ക്), അ​ബൂ​ദ​ബി നാ​ഷ​ന​ൽ ഓ​യി​ൽ ക​മ്പ​നി (അ​ഡ്‌​നോ​ക്), എ​മി​റേ​റ്റ്സ് ജ​ന​റ​ൽ പെ​ട്രോ​ളി​യം കോ​ർ​പ​റേ​ഷ​ൻ (ഇ​മാ​റാ​ത്ത്) എ​ന്നി​വ​യു​മാ​യി സ​ഹ​ക​രി​ച്ചാ​ണ് പൊ​ലീ​സ് സം​രം​ഭം ന​ട​പ്പാ​ക്കു​ന്ന​ത്. സു​ര​ക്ഷ നി​ല​വാ​രം വ​ർ​ധി​പ്പി​ക്കു​ക, പൊ​ലീ​സ് സ്റ്റേ​ഷ​നി​ലെ സ​ന്ദ​ർ​ശ​ക​രു​ടെ എ​ണ്ണം കു​റ​ക്കു​ക, സ​ർ​ക്കാ​ർ-​സ്വ​കാ​ര്യ മേ​ഖ​ല​ക​ൾ ത​മ്മി​ലു​ള്ള പ​ങ്കാ​ളി​ത്തം വ​ർ​ധി​പ്പി​ക്കു​ക തു​ട​ങ്ങി​യ​വ​യാ​ണ് സം​രം​ഭം ല​ക്ഷ്യ​മി​ടു​ന്ന​ത്.

നി​ല​വി​ൽ എ​മി​റേ​റ്റി​ലെ 158 ഇ​ന്ധ​ന സ്റ്റേ​ഷ​നു​ക​ളി​ൽ സേ​വ​നം ല​ഭ്യ​മാ​ണ്. സ്മാ​ർ​ട്ട് സേ​വ​ന​ങ്ങ​ളി​ലൂ​ടെ ജ​ന​ങ്ങ​ളു​ടെ ജീ​വി​ത​നി​ല​വാ​ര​വും സ​ന്തോ​ഷ​വും വ​ർ​ധി​പ്പി​ക്കാ​നു​ള്ള നേ​തൃ​ത്വ​ത്തി​ന്‍റെ കാ​ഴ്ച​പ്പാ​ടി​ന് അ​നു​സൃ​ത​മാ​യാ​ണ് സേ​വ​ന​ങ്ങ​ൾ ന​ൽ​കു​ന്ന​തെ​ന്ന് ഓ​ൺ ദ ​ഗോ സം​രം​ഭം മേ​ധാ​വി ക്യാ​പ്റ്റ​ൻ മാ​ജി​ദ് ബി​ൻ സ​ഈ​ദ് അ​ൽ ക​അ​ബി പ​റ​ഞ്ഞു. ഉ​പ​ഭോ​ക്തൃ സം​തൃ​പ്തി മെ​ച്ച​പ്പെ​ടു​ത്താ​നും സേ​വ​ന വി​ത​ര​ണ സ​മ​യം കു​റ​ക്കാ​നും സം​രം​ഭം മി​ക​ച്ച സം​ഭാ​വ​ന​ക​ൾ ന​ൽ​കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു.