ദുബൈയുടെ പ്രൗഢിയേറ്റി  ഷിന്ദഗ പാലം വരുന്നു

​ദുബൈ: ​അവിരാമ മുന്നേറ്റം ലക്ഷ്യമിടുന്ന  ദുബൈയുടെ പ്രൗഢിക്ക്​ മാറ്റുകൂട്ടി അവിരാമ ചിഹ്​നത്തി​​​െൻറ മാതൃകയിൽ  െഎതിഹാസിക രൂപഭംഗിയോടെ 39.40 കോടി ദിർഹം ചെലവിട്ട്​ നിർമിക്കുന്ന ഷിന്ദഗ പാലം പദ്ധതിക്ക്​  യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തും തുടക്കമിട്ടു. 5.035 ബില്യൺ ചെലവിൽ ശൈഖ്​ റാശിദ്​, അൽ മിന, ഖലീജ്​, കെയ്​റോ സ്​ട്രീറ്റുകളെ ഉൾക്കൊള്ളിച്ച്​ നടപ്പിൽ വരുത്തുന്ന ഷിന്ദഗ ഇടനാഴി പദ്ധതിയുടെ ഭാഗമാവും പാലവും. 

കിരീടാവകാശി ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം, ആർ.ടി.എ ഡയറക്​ടർ ജനറൽ മത്താർ അൽ തായർ എന്നിവർക്കൊപ്പമാണ്​ പ്രഖ്യാപന വേദിയിലേക്ക്​ ശൈഖ്​ മുഹമ്മദ്​ എത്തിയത്​.  ദുബൈ സിവിൽ ഏവിയേഷൻ അതോറിറ്റി ചെയർമാനും എമിറേറ്റ്​ സി.ഇ.ഒയുമായ ശൈഖ്​ അഹ്​മദ്​ ബിൻ സഇൗദ്​ അൽ മക്​തും,ശൈഖ്​ അഹ്​മദ്​ ബിന മുഹമ്മദ്​ ബിൻ റാശിദ്​ ആൽ മക്​തൂം,  ശൈഖ്​ മൻസൂർ ബിൻ മുഹമ്മദ്​ ബിൻ റാശിദ്​ ആൽ മക്​തൂം തുടങ്ങിയവരും സംബന്ധിച്ചു. ഷിന്ദഗ ഇടനാഴി പദ്ധതിയുടെ മൂന്നാം ഘട്ടമായാണ്​   പാലം നിർമിക്കുകയെന്ന്​ മത്താർ അൽ തായർ വിശദീകരിച്ചു. 
ദുബൈ ക്രീക്കിലൂടെ ആറ്​ വരിയായി 295 മീറ്റർ നീളത്തിലാണ്​ പാലം വരിക. ജല നിരപ്പിൽ നിന്ന്​ പതിനഞ്ചര മീറ്റർ ഉയർന്നു നിൽക്കുന്ന പാലത്തിനടിയിലൂടെ വിവിധയിനം ജലനൗകകൾ ഒഴുകി നടക്കും. 2400 ടൺ ഉരുക്കാണ്​ പാലം പണിക്ക്​ ഉപയോഗിക്കുക.

ഗണിതശാത്രത്തിലെ ഇൻഫിനിറ്റി ചിഹ്​നത്തി​​​െൻറ മാതൃകയിൽ ആർച്ചുകൾ ക്രമീകരിക്കും. 42 മീറ്റർ ഉയരുമുണ്ടാവും ഇതിന്​. ശൈഖ്​  മുഹമ്മദ്​ ഇലക്​ട്രോണിക്​ സ്​ക്രീനിൽ ഇൻഫിനിറ്റി ചിഹ്​നം വരച്ചാണ്​ ഉദ്​ഘാടനം നിർവഹിച്ചത്​. നിർമാണം വിളമ്പരം ചെയ്​ത്​ പാലത്തി​​​െൻറ കൂറ്റൻ മാതൃക ദൃശ്യമായി. ഷിന്ദഗ തുരങ്ക നിർമാണത്തിന്​ ശൈഖ്​ റാശിദ്​ കരാർ ഒപ്പിടുന്നതു മുതലുള്ള ദൃശ്യങ്ങളും നിർമാണത്തി​​​െൻറ കാലസൂചികകളും ഉൾക്കൊള്ളുന്ന ഒാർമചിത്രങ്ങളും പ്രദർശിപ്പിച്ചു. 

ഷിന്ദഗ പദ്ധതിയുടെ മൂന്നാം ഘട്ടത്തിൽ പാലത്തിനു പുറമെ അൽ ഖലീജ്​ സ്​ട്രീറ്റിലെ കോർണിഷ്​ നിർമാണം, ഫാൽകൺ ജംഗ്​ഷൻ നവീകരണം എന്നിവയും ഉൾക്കൊള്ളുന്നു. പാലത്തിന്​ എട്ടര കിലോ മീറ്റർ നീളമുണ്ടാവും. അര കിലോമീറ്റർ നീളമുള്ള തുരങ്കവും എട്ടു കിലോമീറ്ററുള്ള ഉപരിതലവുമാണുണ്ടാവുക. 10 ജംങ്​ഷനുകളും ഇതി​​​െൻറ ഭാഗമായി രൂപപ്പെടും. 2022ലാണ്​ നിർമാണം പൂർത്തിയാവുക.