ദുബൈ: ദക്ഷിണ ഇറാനിൽ 5.3തീവ്രത രേഖപ്പെടുത്തിയ ഭൂമികുലുക്കത്തെ തുടർന്ന് യു.എ.ഇയിൽ പ്രകമ്പനം. ശനിയാഴ്ച രാത്രി 8.07നാണ് ഭൂമികുലുക്കമുണ്ടായതെന്ന് യു.എ.ഇ ദേശീയ ഭൗമ നിരീക്ഷണ കേന്ദ്രം സ്ഥിരീകരിച്ചു.
ദുബൈ, ഷാർജ, അജ്മാൻ എന്നിവിടങ്ങളിലെല്ലാം ചെറിയ പ്രകമ്പനം അനുഭവപ്പെട്ടു. ഉയർന്ന നിലകളിലുള്ളവർക്കാണ് കൂടുതലായി ചെറിയ അനക്കം തോന്നിയത്. നിരവധിപേർ സാമൂഹിക മാധ്യമങ്ങളിലൂടെ ചിത്രങ്ങൾ പങ്കുവെച്ചിട്ടുണ്ട്.
അതേസമയം യു.എ.ഇയിൽ ഭൂമികുലുക്കം അപകടമൊന്നും ഉണ്ടാക്കിയിട്ടില്ലെന്ന് അധികൃതർ വ്യക്തമാക്കി. കഴിഞ്ഞ ഏതാനും ദിവസങ്ങൾക്ക് മുമ്പും സമാന രീതിയിൽ ഇറാനിലെ ഭൂമികുലുക്കം യു.എ.ഇയിൽ പ്രകമ്പനമുണ്ടാക്കിയിരുന്നു.
ഭൂമികുലുക്കത്തിന്‍റെ പ്രഭവകേന്ദ്രം(ചുവപ്പിൽ അടയാളപ്പെടുത്തിയത്)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.