ദുബൈ: ദേര ഫിഷ് മാര്ക്കറ്റില് വില്ക്കുന്ന ഉല്പന്നങ്ങളുടെ ഗുണനിലവാരം ഉറപ്പുവരുത്തുന്നതിന് പരിശോധനകള്ക്കായി ദുബൈ നഗരസഭ പുതിയ സംഘത്തെ നിയോഗിച്ചു. മത്സ്യം, ഇറച്ചി, പഴം, പച്ചക്കറി എന്നിവയുടെ ഗുണനിലവാരം സംഘം ഉറപ്പുവരുത്തും. ‘ഞങ്ങള് നിങ്ങളെ നിരീക്ഷിക്കുന്നു’ എന്ന് പേരിട്ട ഒരുവര്ഷം നീളുന്ന കാമ്പയിന്െറ ഭാഗമായാണ് പരിശോധനകള് നടത്താന് നിശ്ചയിച്ചിരിക്കുന്നതെന്ന് നഗരസഭ ഭക്ഷ്യസുരക്ഷാ വിഭാഗം ഡയറക്ടര് ഇമാന് അല് ബസ്താകി പറഞ്ഞു.
ഭക്ഷ്യസുരക്ഷാ വിഭാഗം, അസറ്റ് മാനേജ്മെന്റ് വിഭാഗം, വേസ്റ്റ് മാനേജ്മെന്റ് വിഭാഗം എന്നിവയിലെ ഉദ്യോഗസ്ഥര് പരിശോധനാ സംഘത്തിലെ അംഗങ്ങളായിരിക്കും. ഉപഭോക്താക്കള്ക്ക് ഏറ്റവും മികച്ച ഉല്പന്നങ്ങള് ലഭ്യമാക്കാന് നടപടി സ്വീകരിക്കണമെന്ന ദുബൈ നഗരസഭ ഡയറക്ടര് ജനറല് ഹുസൈന് നാസര് ലൂത്തയുടെ നിര്ദേശപ്രകാരമാണ് കാമ്പയിന് തുടക്കം കുറിച്ചിരിക്കുന്നത്.
കച്ചവടക്കാര് വൃത്തിയും വെടിപ്പും പാലിക്കുന്നുണ്ടോയെന്നും സംഘം പരിശോധിക്കും. ഭക്ഷ്യസുരക്ഷയുമായ ബന്ധപ്പെട്ട നിയമങ്ങളും നിര്ദേശങ്ങളും വ്യാപാരികള് പാലിക്കണം.
പൊതുജനാരോഗ്യത്തെ ബാധിക്കുമെന്നതിനാല് ഉല്പന്നങ്ങളുടെ ഗുണനിലവാരം ഉറപ്പുവരുത്തേണ്ടത് അനിവാര്യമാണ്. നിയമലംഘകരെ സംബന്ധിച്ച വിവരങ്ങള് സംഘം നഗരസഭക്ക് കൈമാറും. സുരക്ഷിതമായ രീതിയില് ഉല്പന്നങ്ങള് കൈകാര്യം ചെയ്യുന്നത് സംബന്ധിച്ച് തൊഴിലാളികള്ക്ക് ബോധവത്കരണം നല്കി വരുന്നുണ്ട്.
ഗുണനിലവാരമുള്ള ഉല്പന്നങ്ങള് മാത്രമേ വില്ക്കാന് പാടുള്ളൂവെന്ന് നിര്ദേശം നല്കിയിട്ടുണ്ട്.
കേടായ ഭക്ഷ്യവസ്തുക്കള് പിടിച്ചെടുത്ത് നശിപ്പിക്കുമെന്നും വില്ക്കുന്നവര്ക്കെതിരെ നിയമനടപടി സ്വീകരിക്കുമെന്നും അധികൃതര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.