ദുബൈ: ദുബൈയിലുണ്ടായ വാഹനാപകടത്തില് ഇടതുകാല് നഷ്ടപ്പെട്ട മലയാളി യുവാവിന് ഒരു കോടി പത്ത് ലക്ഷം രൂപ നഷ്ടപരിഹാരം നല്കാന് ദുബൈ കോടതി വിധി. പാലക്കാട് ജില്ലയില് കണ്ണാടി സ്വദേശിയായ ശിവന് വേലുവിനാണ് ഈ തുക ലഭിക്കുക.
2014 ഒക്ടോബര് 23നാണ് കേസിനാസ്പദമായ അപകടം നടന്നത്. ദുബൈ അല്ഖൂസിലെ താമസ സ്ഥലത്തിനടുത്ത് കമ്പനിയുടെ വാഹനം കാത്തു നില്ക്കുമ്പോഴാണ് നിയന്ത്രണം വിട്ട കാര് ശിവനെയും കൂട്ടുകാരെയും ഇടിച്ചു തെറിപ്പിച്ചത്. പാകിസ്താന് സ്വദേശി ഓടിച്ചിരുന്ന വാഹനം ടയര് പൊട്ടി നിയന്ത്രണം വിടുകയായിരുന്നു.
അപകടത്തില് രണ്ടുപേര് തല്ക്ഷണം മരണപ്പെടുകയും ശിവന് ഉള്പ്പെടെയുള്ള മറ്റു പലര്ക്കും സാരമായ പരിക്കേല്ക്കുകയും ചെയ്തു. ശിവവേലുവിന്െറ ഇടതുകാല് മുറിച്ചു മാറ്റേണ്ടിവന്നു. ദുബൈ റാഷിദ് ആശുപത്രിയില് 75 ദിവസത്തോളം ചികിത്സയിലായിരുന്നു. തുടര്ന്ന് നാട്ടിലേക്ക് പോയ ശിവന് ദുബൈ അല് കബ്ബാന് അസോസിയേറ്റ്സിലെ സീനിയര് ലീഗല് കണ്സള്ട്ടന്റ് അഡ്വ. ഷംസുദ്ദീന് കരുനാഗപ്പള്ളി മുഖേന 20 ലക്ഷം ദിര്ഹം നഷ്ടപരിഹാരം ആവശ്യപ്പെട്ട്് കേസ് ഫയല് ചെയ്തു. ശിവന് 60 ശതമാനം അംഗവൈകല്യം സംഭവിച്ചതായി മെഡിക്കല് ബോര്ഡ് തിട്ടപ്പെടുത്തി. അംഗവൈകല്യത്തിന്െറ തോതും ശിവന് തുടര്ന്ന് ജോലി ചെയ്യാന് കഴിയാത്ത സാഹചര്യവും പരിഗണിച്ച കോടതി ആറു ലക്ഷം ദിര്ഹം ഒമ്പത് ശതമാനം പലിശ സഹിതം നഷ്ട പരിഹാരമായി നല്കാന് എതിര് കക്ഷിയായ സക്കര് നാഷണല് ഇന്ഷുറന്സിനോട് ഉത്തരവിടുകയായിരുന്നു. എന്നാല് ഈ തുക മതിയായ നഷ്ടപരിഹാരമല്ലാത്തതിനാല് പ്രാഥമിക വിധിക്കെതിരെ അപ്പീല് ഫയല് ചെയ്തതായി അഡ്വ. ഷംസുദ്ദീന് കരുനാഗപ്പള്ളി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.