ദുബൈ: ഷാര്ജയില് നിന്ന് മത്സ്യബന്ധനത്തിനായി തിരിച്ച മൂന്ന് തമിഴ്നാട് സ്വദേശികളെ കാണാതായതായി പരാതി. ആഗസ്റ്റ് രണ്ടിന് തിരിച്ചുവരേണ്ട ഇവര് ഇതുവരെ എത്തിയിട്ടില്ല. കന്യാകുമാരി പുത്തന്തുറൈ സ്വദേശികളായ റോബര്ട്ട്, സെല്വം, തിരുനല്വേലി കൂത്തന്കുഴി സ്വദേശി വിയഗുലം എന്നിവരെയാണ് കാണാതായത്. അപകടത്തില് പെട്ടതോ മറ്റ് രാജ്യങ്ങളുടെ കോസ്റ്റ് ഗാര്ഡിന്െറ പിടിയിലായതോ ആകാമെന്നാണ് നിഗമനം. ഇതുവരെ വിവരമൊന്നും ലഭിച്ചിട്ടില്ല.ബന്ധുക്കള് ഇന്ത്യന് വിദേശകാര്യമന്ത്രിക്കും യു.എ.ഇയിലെ ഇന്ത്യന് അംബാസഡര്ക്കും പരാതി നല്കിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.