അബൂദബി: ഡോക്യുസേറ്റ് സോഡിയം അടങ്ങിയ ഡിയക്ടോ ദ്രാവകത്തിന് അബൂദബിയില് വിലക്കേര്പ്പെടുത്തി. ഇനിയൊരു അറിയിപ്പുണ്ടാകുന്നത് വരെ ഈ ദ്രാവകം വാങ്ങുന്നതും വിതരണം ചെയ്യുന്നതും നിര്ത്താന് ഫാര്മസി ഡയറക്ടര്മാര്ക്ക് അബൂദബി ആരോഗ്യ അതോറിറ്റി (ഹാദ്) നിര്ദേശം നല്കിയതായി അല് ബയാന് ദിനപത്രം റിപ്പോര്ട്ട് ചെയ്തു.
അമേരിക്കയിലെ അഞ്ച് സ്റ്റേറ്റുകളില് ഡോക്യുസേറ്റ് സോഡിയം അടങ്ങിയ മരുന്ന് കാരണമായി ബര്കോള്ഡേറിയ സെപാഷ്യ ബാക്ടീരിയകളുടെ വിഷബാധയുണ്ടായതായ റിപ്പോര്ട്ടുകളുടെ അടിസ്ഥാനത്തിലാണ് അബൂദബിയിലും ഇതിന് നിരോധം ഏര്പ്പെടുത്തുന്നത്. ഡോക്യുസേറ്റ് സോഡിയം അടങ്ങിയ ദ്രാവകങ്ങള് കുറിച്ചുനല്കുന്നത് നിര്ത്താന് ഡോക്ടര്മാരോടും ഹാദ് നിര്ദേശിച്ചിട്ടുണ്ട്. ഇടക്കിടെയുണ്ടാകുന്ന മലബന്ധത്തിന് മരുന്നായാണ് ഡോക്യുസേറ്റ് സോഡിയം അടങ്ങിയ മരുന്ന് ഉപയോഗിച്ചിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.