ദുബൈ: കേരള സംസ്ഥാന സാക്ഷരതാ മിഷന്െററ നേതൃത്വത്തില് കേരള സര്ക്കാര് നടപ്പാക്കിയ പത്താംതരം തുല്യതാ പരീക്ഷയില് ദുബൈ കെ.എം.സി.സി സെന്ററിന് വീണ്ടും നൂറു ശതമാനം വിജയം. തുല്യതാ പരീക്ഷയില് വിജയം നേടിയവര്ക്കുള്ള സര്ട്ടിഫിക്കറ്റ് വിതരണവും വിജയികളെ അനുമോദിക്കുന്ന ചടങ്ങും നടന്നു.സംസഥാന സക്ഷരതാമിഷന് ഭരണസമിതി ചെയര്മാന് സലിം കുരുവമ്പലം വിജയികള്ക്കള സര്ട്ടിഫിക്കറ്റുകള് വിതരണം ചെയ്തു. പി.കെ അന്വര് നഹ അധ്യക്ഷത വഹിച്ച പരിപാടി എന്.ഐ മോഡല് സ്കൂള് ഡയറക്ടറും പ്രിന്സിപ്പലുമായ രവീന്ദ്രന് നായര് ഉദ്ഘാടനം ചെയ്തു.ഭരണസമിതി അംഗം എം.എ. റസാഖ് അനുമോദന പ്രസംഗം നടത്തി. സംസഥാന സക്ഷരാതാമിഷന് നടത്തുന്ന പത്താംതരം തുല്യതാ കോഴ്സിന്റെ മൂന്നാം ബാച്ചാണിത്.
മൂന്ന് ബാച്ചുകളിലായി പഠനം പൂര്ത്തിയായി വിജയിച്ചവരില് 60 തോളം പേര്ക്ക് തങ്ങളുടെ ജോലിയില് ഇതിനകം പ്രമോഷന് നേടാനായിട്ടുണ്ട്. പത്താം തരം തുല്യതാ സര്ട്ടിഫിക്കറ്റിന് പി.എസ്.സി അംഗീകാരവുമുണ്ട്.
യു.എ.ഇയില് ദുബായിലും അജ്മാനിലുമാണ് ഇപ്പോള് പഠന കേന്ദ്രങ്ങള് ഉള്ളത്. നാലാമത്തെ ബാച്ചിന്െറ ക്ളാസുകള് കെ.എം.സി.സിയില് ആരംഭിച്ചുകഴിഞ്ഞു. പ്ളസ് ടൂ തുല്യതാ പരീക്ഷകുള്ള രജിസ്ട്രേഷന് ജനുവരി അവസാനത്തോടെ ആരംഭിക്കും. ഇബ്രാഹിം മുറിച്ചാണ്ടി സ്വാഗതവും ഷഹീര് കൊല്ലം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.