ഖത്തറിലെ അല് റയ്യാന് മൈതരിൽ ആരംഭിച്ച മലബാര് ഗോള്ഡ് ആൻഡ് ഡയമണ്ട്സ് ഷോറൂം ഖത്തര് ഇന്ത്യന് അംബാസഡര് വിപുല് ഉദ്ഘാടനം ചെയ്യുന്നു
ദുബൈ: മലബാര് ഗോള്ഡ് ആൻഡ് ഡയമണ്ട്സ് ഖത്തറിലെ 13ാമത്തെ ഷോറൂം അല് റയ്യാന് മൈതരിൽ തുറന്നു. ഖത്തര് ഇന്ത്യന് അംബാസഡര് വിപുല് ഷോറൂം ഉദ്ഘാടനം നിര്വഹിച്ചു.മലബാര് ഗ്രൂപ് വൈസ് ചെയര്മാന് കെ.പി. അബ്ദുൽ സലാം, മലബാര് ഗോള്ഡ് ആൻഡ് ഡയമണ്ട്സ് ഇന്റര്നാഷനല് ഓപറേഷന്സ് മാനേജിങ് ഡയറക്ടര് ഷംലാല് അഹമ്മദ്, ഗ്രൂപ് ഡയറക്ടർമാരായ സി. മായൻകുട്ടി, അബ്ദുൽ മജീദ്, എം.ഐ.പി ഡയറക്ടറായ കരീം വെങ്കിടങ്, മാനുഫാക്ചറിങ് ഹെഡ് എ.കെ. ഫൈസൽ, ഖത്തര് റീജനല് ഹെഡ് ടി. സന്തോഷ്, ഖത്തര് സോണല് ഹെഡ് ടി. നൗഫല്, മറ്റ് ഉന്നത മാനേജ്മെന്റ് പ്രതിനിധികള്, അഭ്യുദയകാംക്ഷികള്, ഉപഭോക്താക്കള് തുടങ്ങിയവര് ചടങ്ങില് സന്നിഹിതരായിരുന്നു.
പുതിയ ഷോറൂമില് ലോകമെമ്പാടുമുള്ള ക്യുറേറ്റഡ് ജ്വല്ലറി ഡിസൈനുകളുടെ വിപുലമായ ശേഖരമാണ് ഒരുക്കിയിട്ടുള്ളത്. കമനീയമായ ബ്രൈഡല് ജ്വല്ലറി മുതല്, ആകര്ഷകമായ ഡെയ്ലി വെയര് ആഭരണങ്ങള് വരെയുള്ള ഏത് മുഹൂര്ത്തത്തിനും അഭിരുചിക്കും ഇണങ്ങുന്ന സ്വർണം, വജ്രം, അമൂല്യ രത്നങ്ങള് എന്നിവയിലെ മികച്ച ആഭരണ ശ്രേണികളാണ് ഷോറൂമിലുള്ളത്. ഖത്തറില് പുതിയ ഷോറൂം ആരംഭിക്കുന്നതില് അതിയായ സന്തോഷമുണ്ടെന്ന് ഷംലാല് അഹമ്മദ് പറഞ്ഞു. ഖത്തറിൽ കൂടുതല് ഷോറൂമുകള് തുറക്കാനുള്ള തയാറെടുപ്പിലാണെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.