പ്രവാസം അവസാനിപ്പിച്ച് മടങ്ങുന്ന യൂസഫ് തോട്ടശ്ശേരിക്ക് ദമ്മാമിലെ പാലക്കാട് പ്രവാസി കൂട്ടായ്മയുടെ ഒാർമഫലകം ജാഫർ അലി സമ്മാനിക്കുന്നു
ദമ്മാം: 16 വർഷത്തെ പ്രവാസം അവസാനിപ്പിച്ച് നാട്ടിലേക്കു മടങ്ങുന്ന സാമൂഹിക പ്രവർത്തകൻ യൂസഫ് തോട്ടശ്ശേരിക്ക് ദമ്മാമിലെ പാലക്കാട് പ്രവാസി കൂട്ടായ്മ യാത്രയയപ്പ് നൽകി. ദമ്മാമിലെ സാമൂഹിക-സാംസ്കാരിക രംഗത്ത് നിറസാന്നിധ്യമായിരുന്നു അദ്ദേഹം. പാലക്കാട് പ്രവാസി കൂട്ടായ്മ ചെയർമാൻ റിയാസ് പറളി യാത്രയയപ്പ് ചടങ്ങിൽ അധ്യക്ഷത വഹിച്ചു.
കൂട്ടായ്മ സാമൂഹികക്ഷേമ കൺവീനർ മണികണ്ഠൻ ഉദ്ഘാടനം ചെയ്തു. ജാഫർ അലി ഒാർമഫലകം കൈമാറി. അൻഷാദ് അസീസ് ബൊക്കെ സമ്മാനിച്ചു. സൈദ് സൈനുൽ ആബിദീൻ പൊന്നാട അണിയിച്ചു. മുഹമ്മദ് ഷെരീഫ് ഉപഹാരം സമ്മാനിച്ചു. സൗദി ഇലക്ട്രിസിറ്റി കമ്പനിയിൽ സീനിയർ എൻജിനീയറായി ജോലി ചെയ്തുവരുകയായിരുന്നു അദ്ദേഹം.
ദമ്മാം ഹോളിഡേയ്സ് ഓഡിറ്റോറിയത്തില് നടന്ന ചടങ്ങിൽ നബീൽ പറമ്പിൽ, റഹ്മാൻ ഒലവാക്കോട്, മുഹമ്മദ് അനസ്, ഹുസൈൻ മേപ്പറമ്പ് എന്നിവര് സംസാരിച്ചു. ഷംസുദ്ദീൻ പാറ, അൽഫാസ്, സുഹൈബ്, സലാം വടക്കാഞ്ചേരി എന്നിവർ നേതൃത്വം നൽകി. കൂട്ടായ്മ കൺവീനർ സക്കരിയ സ്വാഗതവും ട്രഷറർ അൻവർ സാദിഖ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.