യാംബു: റീം അൽ ഔല റോയൽ ചലഞ്ചേഴ്സ് ക്രിക്കറ്റ് ക്ലബിന്റെ പുതിയ സീസണിലേക്കുള്ള ജഴ്സി പ്രകാശനം ചെയ്തു. റീം അൽ ഔല കമ്പനി ഓഡിറ്റോറിയത്തിൽ നടന്ന പരിപാടിയിൽ ക്രിക്കറ്റ് ക്ലബ് പ്രസിഡന്റ് ഫിറോസ് മുണ്ടയിൽ ടീം ക്യാപ്റ്റൻ വിഷ്ണു ശിവദാസന് ജഴ്സി നൽകി പ്രകാശനം ചെയ്തു. ക്രിക്കറ്റ് ടീം അംഗങ്ങളും ക്ലബ് മാനേജ്മെന്റും സ്പോൺസറായ റീം അൽ ഔല കമ്പനി പ്രതിനിധികളും ചടങ്ങിൽ പങ്കെടുത്തു. സൗഫർ മുണ്ടയിൽ, ബിഹാസ് കരുവാരകുണ്ട്, നസീം അലി, മുഹമ്മദ് ബാസിൽ, ഉമ്മർ കോയ തുടങ്ങിയവർ പരിപാടിക്ക് നേതൃത്വം നൽകി. യാംബുവിലും സമീപ സിറ്റികളിലും നടക്കനിരിക്കുന്ന വിവിധ ടൂർണമെന്റുകളിൽ റീം റോയൽ ചാലഞ്ചേഴ്സ് ക്രിക്കറ്റ് ടീമിന്റെ ശക്തമായ പ്രകടനം പ്രതീക്ഷിക്കുന്നതായി ക്ലബ് ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.