അർബുദ രോഗിക്കായി വേൾഡ് മലയാളി ഫെഡറേഷൻ റിയാദ് കൗൺസിൽ വനിതാ ഫോറം സമാഹരിച്ച തുക കൈമാറുന്നു
റിയാദ്: വേൾഡ് മലയാളി ഫെഡറേഷൻ റിയാദ് കൗൺസിൽ വനിത ഫോറത്തിന്റെ നേതൃത്വത്തിൽ, അർബുദം ബാധിച്ചു കിടപ്പിലായ പത്തനംതിട്ട സ്വദേശി യുവതിക്കുള്ള ചികിത്സാ സഹായം കൈമാറി. റിയാദിലെ സുലൈയിൽ അൽ മൻഹൽ ഇസ്തിറാഹിൽ നടന്ന ചടങ്ങിൽ സാമൂഹിക പ്രവർത്തകയും അധ്യാപികയുമായ മൈമൂന അബ്ബാസ് സഹായം കൈമാറി. ലോക വനിതാദിനത്തോടനുബന്ധിച്ച് നടത്തുന്ന ജീവകാരുണ്യ പ്രവർത്തനങ്ങളുടെ ഭാഗമായാണ് ധനസമാഹരണം നടത്തിയത്.
വേൾഡ് മലയാളി ഫെഡറേഷൻ മിഡിൽ ഈസ്റ്റ് കൗൺസിൽ വിമൻസ് ഫോറം കോഓഡിനേറ്റർ വല്ലി ജോസ്, സൗദി നാഷനൽ കമ്മിറ്റി വൈസ് പ്രസിഡന്റ് സുബി സജിൻ, റിയാദ് കൗൺസിൽ ട്രഷറർ അഞ്ജു ആനന്ദ്, കോഓഡിനേറ്റർ കാർത്തിക അനീഷ്, ജോയിന്റ് സെക്രട്ടറി മിനുജ മുഹമ്മദ്, ബൈമി സുബിൻ എന്നിവർ നേതൃത്വം നൽകി. ശാരിക സുദീപ്, റിസ്വാന ഫൈസൽ, സൗമ്യ തോമസ്, ജീവ, അനു ബിബിൻ, സലീന, ലിയ, ഷാഹിന, ഹനാൻ അൻസാർ, കൃഷ്ണേന്ദു, ബിൻസി, സാജിദ, ഷിംന, അനു രാജേഷ് എന്നിവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.