മനാമ: വിജയദശമി ദിനത്തിൽ ബഹ്റൈനിലെ വിവിധ സംഘടനകളുടെയും ക്ഷേത്രങ്ങളുടെയും ആഭിമുഖ്യത്തിൽ നടന്ന ചടങ്ങിൽ നിരവധി കുട്ടികൾ ആദ്യാക്ഷരം കുറിച്ചു.ബഹ്റൈൻ പ്രവാസി സമൂഹത്തിന് പുറമെ, സൗദിയിൽ നിന്നുള്ളവരും ചടങ്ങുകൾക്കായി ഇവിടെ എത്തിയിരുന്നു. കേരളീയ സമാജത്തിൽ നോവലിസ്റ്റ് എം.മുകുന്ദൻ, കെ.എസ്.സി.എ (എൻ.എസ്.എസ്)യിൽ ഗായകൻ ജി.വേണുഗോപാൽ, ഗുരുദേവ സോഷ്യൽ സൊസൈറ്റിയിൽ മജീഷ്യൻ മുതുകാട്, ശ്രീനാരായണ കൾചറൽ സൊസൈറ്റിയിൽ കാവാലം ശ്രീകുമാർ എന്നിവരാണ് കുട്ടികൾക്ക് അക്ഷര മധുരം പകർന്നത്.
അറാദ് അയ്യപ്പ ക്ഷേത്രം, കാനൂ ഗാർഡനിലെ ശ്രീകൃഷ്ണ ക്ഷേത്രം, അയ്യപ്പക്ഷേത്രം എന്നിവടങ്ങളിലും ചടങ്ങുകൾക്കായി നിരവധി പേരെത്തി.ക്ഷേത്രങ്ങളിൽ വിശേഷ പൂജയും ഉണ്ടായിരുന്നു.
നവരാത്രി ആഘോഷങ്ങളുടെ ഭാഗമായി ഏതാനും ദിവസങ്ങളായി അമ്പലങ്ങളിൽ പ്രത്യേക ചടങ്ങുകൾ നടക്കുന്നുണ്ട്. സംഘടനകളുടെ നേതൃത്വത്തിൽ കലാപരിപാടികളും അരങ്ങേറി വരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.