‘നിയമലംഘകരില്ലാത്ത രാജ്യം’ കാമ്പയിൻ തുടരുന്നു

റിയാദ്​: സൗദി ആഭ്യന്തര മന്ത്രാലയം നടത്തുന്ന ‘നിയമലംഘകരില്ലാത്ത രാജ്യം’ കാമ്പയി​​െൻറ ഭാഗമായ പരിശോധന രണ്ടാഴ്​ച പിന്നിട്ടപ്പോൾ പിടിയിലായത്​ 1,32,647 വിദേശികൾ. വിവിധ വകുപ്പുകളുടെ സഹകരണത്തോടെ നവംബർ 15ന്​ തുടങ്ങിയ തെരച്ചിലിലാണ്​ രാജ്യത്തി​​െൻറ വിവിധ ഭാഗങ്ങളിൽ നിന്ന്​ ശനിയാഴ്​ച വരെ​ തൊഴിൽ, താമസ, അതിർത്തി നിയമങ്ങൾ ലംഘിച്ചവർ വലയിലായത്​. ഇഖാമ നിയമലംഘകരാണ്​​ ഇതിൽ ഭൂരിപക്ഷവും (75,918). അതിർത്തി നിയമം ലംഘിച്ചവരുടെ എണ്ണം 21,882 ആയി. 34,847പേരാണ്​ വിവിധ തൊഴിൽ നിയമങ്ങൾ ലംഘിച്ചതിന്​ പിടിയിലായ്​. പിടിയിലായവരെ കുറിച്ചുള്ള വിശദമായ കണക്ക്​ ആഭ്യന്തര മന്ത്രാലയം ഞായറാഴ്​ച പുറത്തുവിട്ടു. രാജ്യാതിർത്തിയിലൂടെ അനധികൃതമായി കടക്കുന്നതിനിടെ പിടിയിലായവരുടെ എണ്ണാം​ 1658 ആയി. ഇവരിൽ 79 ശതമാനവും യമൻ പൗരന്മാരാണ്​. 20 ശതമാനം എത്യോപ്യക്കാരും ബാക്കി ഒരുശതമാനം വിവിധ രാജ്യക്കാരും. പിടിയിലായ ഉടൻ നാടുകടത്തിയത്​ 876 പേരെ. 
നുഴഞ്ഞുകയറ്റ ശ്രമം നടത്തിയ 34 പേരെ അനന്തര നടപടിക്ക്​ ബന്ധപ്പെട്ട വകുപ്പിന്​ കൈമാറി. അനധികൃതർക്ക്​ താമസ, ഗതാഗത സൗകര്യമൊരുക്കിയതിന്​ ഇതുവരെ 416 വിദേശികൾ പിടിയിലായി. ഇതേ കുറ്റം ചെയ്​ത സൗദി പൗരന്മാരുടെ എണ്ണം 65 ആയി. 
അറസ്​റ്റിലായ ഇവരിൽ 21 പേരെ സാമ്പത്തിക പിഴ ചുമത്തി വിട്ടയച്ചു. ബാക്കിയുള്ളവരുടെ കാര്യത്തിൽ നടപടികൾ തുടരുന്നു. അന്വേണം പൂർത്തിയാക്കി ശിക്ഷാനടപടി സ്വീകരിക്കാൻ ബന്ധപ്പെട്ട വകുപ്പുകൾക്ക്​ കൈമാറിയ 14,015 വിദേശികളിൽ 12,630 പേർ പുരുഷന്മാരും 1,385 പേർ സ്​ത്രീകളുമാണ്​. ഇതിനകം 21,837 പേരെ നാടുകടത്തി. 
നാടുകടത്തുന്നതിനുള്ള അന്തിമ നടപടികൾ കാത്തുകഴിയുന്നത്​ 14354. പാസ്​പോർട്ടില്ലാത്ത 16,667 ആളുകളെ അതാത്​ എംബസികൾക്ക്​ കൈമാറി. നാടുകടത്താനുള്ള നിയമനടപടികളെല്ലാം പൂർത്തിയായി വിമാന ടിക്കറ്റ് മാത്രം​ ശരിയാകാൻ കാത്തുകഴിയുന്നവർ 15810. ‘നിയമലംഘകരില്ലാത്ത രാജ്യം’ കാമ്പയി​​​െൻറ ഭാഗമായി പൊതുമാപ്പ്​ പ്രഖ്യാപിച്ചത്​ ഇൗ വർഷം മാർച്ച്​ 29നാണ്​. ഏഴര മാസം നീണ്ട ഇളവുകാലത്തിന്​ ശേഷമാണ്​ നിയമലംഘകരെ കണ്ടെത്താൻ തെരച്ചിൽ തുടങ്ങിയത്​.
 പൊതുമാപ്പ്​ കാലയളവിൽ 7,33,341 അനധികൃത വിദേശികൾ രാജ്യം വിട്ടിരുന്നു. ഇതിൽ ഇന്ത്യാക്കാർ 10.01 ശതമാനമാണ്​. അതേസമയം പൊതുമാപ്പ്​ കാലയളവിലും ശേഷവും ഇന്ത്യാക്കാരുടെ എണ്ണം വർധിക്കുകയാണുണ്ടായത്​. 
ഏതാണ്ട്​ മൂന്ന്​ ലക്ഷം പേർ പുതുതായി സൗദിയിലെത്തിയതായാണ്​ കണക്കുകൾ സൂചിപ്പിക്കുന്നത്​.